Ацæргæ адæмæн писмотæ æмæ открыткæтæ ныффыссыны хæрзаудæн акци «Ды иунæг нæ дæ» æрхæццæ кæронмæ. Республикæйы цæрджытæ зæрæдтæн ныффыстой бирæ писмотæ æмæ сæ посты кусджытæ фæхæццæ кодтой бынатмæ.
Ацæргæ адæмæн писмотæ æмæ открыткæтæ
ныффыссыны хæрзаудæн акци «Ды иунæг нæ дæ» æрхæццæ кæронмæ. Республикæйы
цæрджытæ зæрæдтæн
ныффыстой бирæ писмотæ æмæ сæ посты кусджытæ фæхæццæ кодтой бынатмæ.
Хæрзаудæн акци райдыдта 1-æм октябры. Йæ нысан уыд, æхсæнады æргом
риссагдæр фарстатæм раздахын.
Любовь Ашарина 20 азæй фылдæр кусы
постхæссæгæй. Цы адæмæн лæггад кæны, уыдоны зоны стырæй чысылмæ.
Ныртæккæ та постхæссæг бæрæг кæны иунæгæй чи цæры, ахæм ацæргæ адæмы.
Хæссы сын сывæллæттæ, стæй искæйы рисмæ куыд фæндыйы цæстæй чи нæ кæсы,
уыцы адæм кæй ныффыстой ахæм фыстæджытæ æмæ открыткæтæ.
Ацæргæ адæймаджы бирæ нæ хъæуы. Æрмæст фæлмæн зæрдæйы ахаст æмæ узæлд.
Бадзиты-Балаты Хадизæт цæры иунæгæй. Йæ
цот ахуыр фесты, æмæ алы рдæмты ацыдысты. Сæ мады бабæрæг кæнынц, фæлæ
раст зæгъгæйæ, уый сæ къухы арæх не фты. Хадизæт йæ постхæссæгмæ
фенхъæлмæ кæсы куыд йæхи бинойнагмæ. «Уыимæ ма уæддæр аныхас кæнын»,-
зæгъы ацæргæ сылгоймаг. Фæлæ йын æнæзонгæ адæм ахæм æхсызгондзинад
скæндзысты, уый æнхъæл нæ уыд.
Къадзаты фатеры дæр ахæм лæварыл
зæрдиагæй бацин кодтой. Георгий куыд зæгъы, афтæмæй йын уæлдай æхсызгон
уыди открыткæтæ фæсивæд æмæ рæзгæ фæлтæр кæй ныффыстой, уый. Уыдоны
къухы ис нæ фидæн, æмæ сывæллæттæ хъуамæ ахуыр кæной фæкæсынхъуаг
адæймагæн баххуыс кæныныл, æмæ искæйы рыст фæрогдæр кæныныл.
Æппæтæй тынгдæр та фыстæджытæ æмæ
открыткæтыл бацин кодтой хæдзар-интернат «Забота»-йы ацæргæ адæм.
Рæстæгмæ сты санаторий «Осетия»-йы. Посты кусджытæ сæм ацыдысты, æмæ сæ
цот æмæ хиуæттæ кæй ныууагътой, уыдонæй алкæмæндæр сæрмагондæй радтой
лæвæрттæ.
Уалыты Людмилæ: «Стыр бузныг зæгъын, мах чи æрхъуыды кодта, уыдонæн. Мах нæхи иунæг нал хонæм».
Сæ цæстытæ доны разилгæйæ сæм уыд
æлыхуызон æнкъарæнтæ, иуæй-цины, æгайтдæр ма сæ чидæр æрхъуыды кодта æмæ
рох не сты. Иннæмæй та – æнкъард, сæхи цотæй рохгонд кæй сты, уый
тыххæй.
Кодзаты Фатимæ: «Кæмдæр ма ис фæлмæнзæрдæ адæм. Мах стæм мæгуырты хæдзарæй æмæ нын нæ зæрдæтæ тынг барухс кодтой».
Акци «Ды иунæг нæ дæ» ацыд Уæрæсейы алы
регионты, посты федералон службæйы фæндонмæ гæсгæ. Цæгат Ирыстоны арæзт
æрцыд фыццаг хатт. Æрмæст Дзæуджыхъæуы посты хайадмæ ацæргæ адæмы номыл
æрбарвыстой 500 фыстæгæй фылдæр.
Уæвгæ, акци фæци. Фæлæ уæддæр, адæм
хæссынц фыстæджытæ, открыткæтæ æмæ лæвæрттæ. Уый та ууыл дзурæг у, æмæ
искæйы зындзинадмæ куыд фæндыйы цæстæй чи нæ кæсы, ахæм адæм ма кæй ис.
Æмæ уыдонæн акцийы архайын ахсджиаг нæу, кæдфæндыдæр цæттæ сты иунæг
ацæргæ адæймагæн баххуыс кæнынмæ.
