Акци æххæстгонд æрцыд партион проект «Хистæр фæлтæр»-мæ гæсгæ
Хистæр фæлтæрыл аудын æмæ сын аргъ кæнын. Уый у кæстæрты хæс. Ацæргæ адæмы боны кадæн парти «Иугонд Уæрæсе»-йы активисттæ бабæрæг кодтой фæллойы ветеранты æмæ æмкъæйтты. Акци æххæстгонд æрцыд партион проект «Хистæр фæлтæр»-мæ гæсгæ. Социалон куыстуаты дæр уыд бæрæгбоны мадзæлттæ. Бæлвырддæр радзурдзæн Хъайтмазты Дзерассæ.
Сæ уазджытыл Александра æмæ Валентин Погасеевтæ æхсызгонæй æмбæлынц. Иумæ 67 азы сты. Схъомыл кодтой 2 фырты, уыдоны цот цыппарæй, стæй ма уыдоны хъæбул дæр. Пенсимæ рацæугæйæ хистæртæн фæзынд рæстæг сфæлдыстадæй æмæ спортæй архайынæн. Парти «Иугонд Уæрæсе»-йы æрхъуыдыдзинад сын ахсджиаг у.
«Иугонд Уæрæсе»-йы активисттæ бабæрæг кодтой Кулагинты бинонты дæр. Зæрдæхæларæй цæрынц ныр 45 азы. Татьяна 30 азы фæкуыста хъомылгæнæгæй сывæллæтты рæвдауæндоны, Сергей та 25 азы фæллой кодта æфсæддон къабазы. Ис сын 2 чызджы æмæ 4 хъæбулы хъæбулы. Абон сын ис фылдæр уæгъд рæстæг, æмæ йæ хардз кæнынц балцытыл æмæ спортыл.
Ахæм фембæлдтытæ «Иугонд Уæрæсе»-йы активисттæ фæаразынц афæдзы дæргъы. Æмæ хистæр кары адæмæн сты æппæт хæрзиуджытæй æмæ лæвæрттæй зынаргъдæр.
Ирд æмæ хъæлдзæг бæрæгбон сарæзтой боныгон уæвыны центры дæр. Уазджыты хсæн фæллойы ветерантæ æмæ социалон службæйы раздæры кусджытæ дæр. Таисия Печенкина бирæ азты разамынд лæвæрдта республикон реабилитацион центр «Хæлар зæрдæ»-йæн. Куыста сывæллæттимæ. Абон у дæнцæг æрыгон æмкусджытæн.
Раздæры æмæ ныры кусджыты схорзæхджын кодтой бузныджы гæххæттытæй. Радта сын сæ «Уæрæсейы сылгоймæгты Цæдис»-ы регионалон хайады сæрдар Людмила Тихонова. Мадзал сæ аивадæй саив кодтой Уæрæсейы æдасдзинады федералон службæйы арæнхъахъхъæнæн управленийы къорд «Граница»-йы артисттæ.
Хистæр кары адæмы хуызæн цардыл цин кæнын ничи зоны. Сæ фæлтæрддзинад æмæ куырыхондзинад дæнцæг сты кæстæртæн. Æппæтæй ахсджиагдæр сын у хуымæтæг аудындзинад. Æмæ сын зæрдæйы хъарм лæвар кæнын хъæуы æдзух.
