Цæгат Кавказы у иунæг
Ацæргæ æмæ инвæлид адæмы хæдзар-интернаты кадджын уавæры байгом кодтой инклюзивон театр-студи. Цæгат Кавказы у иунæг. Ацы бонмæ йæ цæрджытæ æмæ семæ чи кусы, уыдон рагæй сæхи цæттæ кодтой. Антон Чеховы пьесæмæ гæсгæ сæвæрдтой спектакль «Свадьба». Æрбахуыдтой йæм республикæйы бæрнон адæмы. Кадджын уазджыты хсæн уыд не сфæлдыстадон къорд дæр. Куыд ацыд бæрæгбон, уый тыххæй радзурдзæн Гуытьиаты Алинæ.
Ацæргæ адæмы интернат Заботæйы байгом кодтой Цæгат Кавказы фыццаг инклюзивон театр-студи Вдохновение. Сæрмагондæй уыцы цауы кадæн бацæттæ кодтой Чеховы уацмысмæ гæсгæ спектакль Чындзæхсæв. Спектакль рауадис, æнхъæл дæр куыд нæ уыдысты, афтæ мидисджын. Театрдзаутыл афæлгæсгæйæ бæрæг уыдис — пьесæ адæмы зæрдæтæм фæндаг ссардта. Уый та дзурæг у ууыл, æмæ проект фæрæстмæ.
Театр сæвæрыныл бакуыста ирон театры артисткæ Пагæты Фатимæ. Уый кæддæр федта интернаты цæрæг адæмы цыбыр сценкæтæ. Йæ зæрдæмæ афтæ тынг фæцыдысты æмæ йæхицæн скарста, кæй сын баххуыс кæндзæн, уый.
Куыд профессионалон, афтæ Заботæйы хæдахуыр артисттæн дæр спектакль баххуыс кодта се мбæхст курдиæттæ æмæ хъомыс раргом кæнынæн.
Театр-студи Вдохновени у республикæйы театралон арзайджыты цæдисы æмæ Алайнаг епархийы фæсивæдон хайады уæнгты иумæйаг проект. Ацы аз рамбылдта æппæтадæмон конкурс «Чырыстон хъæппæрисы» грант.
Театры репертуар цæттæ у афæдзы кæронмæ. Артисттæ фæнд кæнынц сæ сфæлдыстад æндæр рæтты дæр равдисын. Куыд æмæ цы, уый та нын не схъæр кодтой. Уæвгæ, фæстæдæр нæхæдæг алцыдæр фенддзыстæм.
