Ацы бæрæггæнæнты нæ регион бæстæйы регионты хсæн ахсы 2-аг бынат
Ацы аз 5 сæдæ лæппу æмæ чызджы уыдысты лагерьтæ «Балц» æмæ «Горец», æвзонг æфсæддонты рæнхъыты чи æрлæууыди, уыдоны нымæц та ахызти 11 мин адæймагæй. Ацы бæрæггæнæнты нæ регион бæстæйы регионты хсæн ахсы 2-аг бынат. Уый тыххæй журналисттимæ фембæлды фехъусын кодта фæсивæды хъуыддæгты фæдыл комитеты сæрдар Джуссойты Руслан. Ныхас цыди республикæ форумон кампанийы куыд архайы, уый тыххæй. Фылдæр æргом здæхт æрцыди фæсивæдон форумтæ «Машук», «Таврида», «Территория смыслов». Ацы аз Цæгат Ирыстон квотæтæ баххæст кодта 100%. Афтæ, ацы аз «Машук»-ы юбилейон форуммæ нæ республикæйæ ацыди 300 адæймагæй фылдæр. 2019-æм азы, гранттæ райстой 34 проекты. Уый у 33 милуан сомы бæрц. Ведомствæйы сæрдар ма бæстонæй æрлæууыди республикæйы, уæлдайдæр та хъæуты фæсивæды æргом сæ архайдмæ здахыны хъуддагыл. Ацы хæс йæ размæ сæвæрдта фыццаг цæгатирыстойнаг форум «Ирон фæсивæд» дæр. Ацыди лагерь «Металлург»-ы бындурыл.
