Ацы аз паддзахады хардзæй хъуамæ сæ фæллад суадзой æмæ се ‘нæниздзинад фæхуыздæр кæной фæндзай авд мины 5 сæдæ скъоладзауы. Фæлладуадзæн кампанийы фарстатæм æркаст Хицауады сæрмагонд къамис.
Сывæллæтты æрбынæттон кæндзысты 179 кусæндоны. Уыдонæй 11 кусынц афæдзы дæргъы, 8 лагеры сты кæмтты, 155 уыдзысты ахуырадон кусæндæтты æмæ сæ сывæллæттæ уыдзысты æрмæст боныгон. Хицауады сæрдары хæдивæг Таболты Сергей куыд бафиппайдта, афтæмæй, фыццаджыдæр, хъусдард хъуамæ уа зын фадæтты чи ис æмæ паддзахадон æххуыс кæй хъæуы, уыцы сывæллæттæм. Фæлладуадзæн кампанийæн ацы аз хъуамæ радих кæной 219 милуан сомæй фылдæр. Къамис ма цы фарстатæм æркаст, уыдон баст уыдысты санитарон-эпидемиологон домæнтимæ, зынгсирвæзтытæй хъахъхъæнынимæ, сывæллæтты æнæниздзинадмæ хъус дарынимæ æмæ сæ иумæйаг æдасдзинадимæ, куыд лагерты, афтæ фæндагыл цæугæйæ дæр.
