Республикон клиникон рынчындоны фæзынд ног КТ аппарат. Компьютерон томограф дæтты, бирæ низтæ райдиан къæпхæнтыл рабæрæг кæныны фадат
Ацы аз национ проектты фæрцы республикæйы медицинон куыстуæттæн бантыст 32 ног ифтонггарзы балхæнын. Зæгъæм, республикон клиникон рынчындоны фæзынд ног КТ аппарат. Компьютерон томограф дæтты, бирæ низтæ райдиан къæпхæнтыл рабæрæг кæныны фадат. Бæлвырддæр хабæрттæ радзурдзæн Хъайтмазты Дзерассæ.
Ног компьютерон томограф республикон клиникон рынчындоны низ иртасæн хайады скусдзæн хæстæгдæр рæстæг. Бирæвæрсыг аппарат дæтты, дохтыртæн рынчынты æппæт оргæнтæм æмæ системæтæм лыстæг æркæсыны фадат. Томограф æххæст у æппæт нырыккон программæтæй. Медиктæ нырма зонгæ кæнынц ног ифтонггæрзтимæ. Суткæмæ йæ фæрцы иртæстытæ скæнын ис 120 адæймагæн.
Ацы магнитон-резонансон томограф республикон клиникон рынчындоны кусы дыккаг аз. Йæ программон гæнæнтæ зынгæ фæпарахатдæр кодтой медицинон лæггæдты номхыгъд. Дæтты, 3-йæ иу æмæ *рдæг миллиметры онг лыгтæ кæнын æмæ низтæ райдиан къæпхæнтыл иртасын. Ацы азмæ ам иртæстытæ скдтой 6 мин адæймагæн. Дохтыр-рентгенолог Аминат Байрамова куыд зæгъы, афтæмæй ног аппаратыл кусын зынгæ æнцондæр у.
Ацы аз национ проектты фæрцы бантыст республикæйы медицинон кусæнуаттæн ног ифтонггæрзты 32 иуæджы балхæнын. Æнæниздзинадхъахъхъæнынады министрады куыд зæгъынц, афтæмæй ацы хъуыддаг дарддæр æххæст кæндзысты.
