Уый фæдыл Мæскуыйы Стыр театры, Светланæ бирæ азты кæм кафыд, уыцы сценæйы арæзт æрцыд бæрæгбоны концерт.
Хуымæтæг хумæллæггаг чызгæн йе сфæлдыстадон фæндаг райдыдта Дзæуджыхъæуы, ам ыл йæ цæст æрæвæрдта Варвара Павловна Мей. Æмæ 17-аздзыд чызг рацыд сценæмæ.
Хуымæтæг хумæллæггаг чызгæн йе сфæлдыстадон фæндаг райдыдта Дзæуджыхъæуы, ам ыл йæ цæст æрæвæрдта Варвара Павловна Мей. Æмæ 17-аздзыд чызг рацыд сценæмæ.
Кафыд балеттæ «Лебединое озеро», «Жизель», «Спящая красавица»-йы. Бæстæйы сæйраг театры куысын уыд йæ сæйраг бæллиц. Æмæ йын сæххæст зындгонд балеринæ Галина Улановаимæ фембæлды фæстæ. Уый разыйæ баззад Светæйы курдиатæй æмæ сси йæ ахуыргæнæг. 1960-æм Мæскуыйы Стыр театры ссыгъд ирон чызджы стъалы æмæ цæхæр калдта 1988-æм азмæ. Адырхаты Светланæйы куырдиат абарæн уыд æрмæстдæр хъуыстгонд балеринæтимæ. Абон дæр Светланæ зæрдæйæ уарзы йæ дæсныйад æмæ балеты сусæгдзинæдтыл ахуыр кæны рæзгæ фæлтæры. Йæ ахуырдзаутæ сты йæ ныфс. Адырхаты Свеланæйы юбилейон изæры уыдон сæ аивадæй фæндаг ссардтой уазджыты зæрдæтæм дæр. Бæрæгбоны изæр юбилярæн Ирыстоны цæрджыты номæй раарфæ кодта республикæйы сæргълæууæг Мамсыраты Таймураз æмæ йæ схорзæхджын кодта «Ирыстоны намыс»-ы майданæй. Йæ райгуырæн бæстæйæ ма райста аивадон лæвар, Адырхаты Светланæйы номыл Стыр театры сценæмæ рацыдысты «Чысыл джигит»-ы къорд, Джиоты Вероникæ та акодта оперон зарæг.
Кокайты Таймураз, Сывæллæтты ансамбль «Чысыл джигит»-ы разамонæг: «Мах рагæй зонгæ стæм, æз æй зонын мæхæдæг ма хæрз сабийæ, сывæллæтты галуаны куы кафыдтæн, уæдæй нырмæ. Уæд уыд декадæ. Уæлдай æхсызгон та мын уый у, æмæ мах иу хъæууыккæгтæ стæм, Хуымæллæгæй. Йæхæдæг дæр фæзæгъы бирæ кæй уарзы йæ райгуырæн хъæу. Æмæ йын мæ зæрдæ зæгъы æнæниздзинад. Йæ куыст хорз цæуы. Кæй ахуыр кæны, уыдоны уынæм нæхæдæг куыд дæсны кафт кæнынц, уый.
Торчынты Амырхан, Дохтыр, сфæлдыстадон кусæг: «Абон ын æгъдау кæнынц не стырдæр театры æмæ тынг разы стæм мах уыцы хабарæй. Цас фыдæбон федта Светланæ, цас бафыдæбон кодта æмæ рæсугъд ном скодта йæхицæн, стæй нæ ирон адæмæн дæр».
