Сæххæст ыл 65 азы
Ацы аз поэт, прозаик, публицист Хохойты Энверæн у юбилейон аз. Сæххæст ыл 65 азы. Уый кадæн арæзт æрцыд бирæ мадзæлттæ – сфæлдыстадон изæртæ, кæсджытимæ фембæлдтытæ. Радоны уыд не сфæлдыстадон къорд. Бакæсæм Сосранты Жаннæйы сюжетмæ.
Поэт, публицист, литературон критик, фысджыты æмæ журналистты Цæдисы уæнг Хохойты Слафыры фырт Энверыл йæ фондз æмæ æртиссæдз азыл сæмбæлд бæркадджын æвæрæнтимæ. Фæстаг азты аивадон литературæйы уæлдай куырдиадджындæрæй йæхи чи равдыста, уыдонæй у иу. Хохой-фырты уацмыстæ арæх бакæсæн ис периодикон мыхуыры: газетты æмæ журналты. Уæдæ йæ фыст чингуытæ та хицæн ныхасы аккаг сты. Æрдзырдтой сыл, Энверы юбилейы кадæн республикон фæсивæдон библиотекæйы цы мадзал арзт æрцыд, уым.
Юбилейон изæры фæлгæты презентаци скодтой Хохойты Энверы авторон чиныгæн «Когда взлетает орел». Фыст у æртæ æвзагыл – уырыссаг, ирон æмæ балхъайраг. Ныхас дзы цæуы фыссæгæн йæ цард æмæ сфæлдыстады тыххæй.
Авторы ныхæстæм гæсгæ, чиныг ныффыссыны хъуыды фæзынд йæ чызгмæ. Уый ракуырдта йæ фыдæй, цæмæй фидæны фæлтæртæн, ацы хуызы, ракæна йæ хабæрттæ.
Уæрæсейы фысджыты цæдисы уæнг Хохойты Энвер каст фæци Сырх-Дыгуры скъола. Ахуыргæнæджы дæсныйадмæ куыдфæндыйы цæстæй кæй нæ каст, уымæй та йæ бафæндыд бацæуын ЦИПУ-йы филологон факультетмæ.
Энвер зæрдиагæй тæлмац кæны Лев Толстойы, Иван Тургеневы, Иоганн Гете, Владимир Высоцкийы фыстытæ.
Фидæны публицист фæнд кæны йæ куыстытæ фондз томæй рауадзын.
