Хæрдзтæ та иу миллиард сырæзтысты
Ацы аз республикæйы бюджеты æфтиаг нысан кæнынц 37 миллиард сомæй фылдæр райсын. Хæрдзтæ та иу миллиард сырæзтысты. Бюджеты дефицит у зынгæ къаддæр, кодексмæ гæсгæ. Уый тыххæй Парламенты Советы æмбырды фехъусын кодта финансты министры 1-аг хæдивæг Оксана Карова. Нæ республика субсидитæ райста хъæуккаг территориты комплексон рæзтæн, стæй коронавирусæй рынчынты хостæй ифтонг кæнынæн. Стыр æргом аздæхтой социалон къабазмæ. Депутаттæ бахастой фæндон, хъомыл кæнынмæ сывæллæтты чи райста, ахæм бинонты сабитæн æрвылмæйон фиддонтæ дыууæ хатты фæфылдæр кæныны тыххæй. Ныхас цыд, стæм низтæй рынчын чи у, уыдонæн дæр фæрæзтæ дих кæныныл. Иннæ фарста та баст уыди – медицинон кусджыты кад фæбæрзонддæр кæнынимæ. Нæ регионы рæстæмбис мызд сæ бон исын у, цалдæр ставкæйы баиу кæнгæйæ. Уый та фæбæрæг вæййы лæггæдты хæрзхъæддзинадыл.
