Уыимæ æфсæддон комиссарады арæзт æрцыдысты æдасдзинады æппæт мадзæлттæ
Коронавирусимæ уавæр нæ фæбæрæг уыдзæн æфсадмæ сидыны уалдзыгон кампанийыл. Райдайдзæн æмгъуыдмæ гæсгæ. Æрмæст аивдзæн, сиддонты кæд æрвитдзысты, уыцы рæстæг. Фыццæгты арвитдзысты 20-æм майы. Ацы аз се фсæддон хæс æххæст кæнынмæ нæ республикæйæ ацæудзысты 500 адæймагæй фылдæр. Уыимæ æфсæддон комиссарады арæзт æрцыдысты æдасдзинады æппæт мадзæлттæ.
Бæстыхæйттæ кæнынц дезинфекци, бацæуæнты фенæн ис зæрдылдарæн хъусынгæнинæгтæ, низ не руадзыны тыххæй хи куыд дарын хъæуы, уый тыххæй. Æфсæддон хæс кæуыл ис, уыдонмæ медицинон цæстдард цæуы æппынæдзухдæр. Фыццаг – æмбырдгæнæн пунктмæ куы рбацæуынц, уæд. Уый фæстæ та сæ куы арвитынц, стæй службæйы бынаты дæр. Зæгъдзыстæм ма уый дæр, æмæ карздæр фæтк уыдзæн, сæ цоты чи рвиты фсадмæ, уыцы ныййарджытæн.
