Фыццаг сывæллонæн бинонтæ райсдзысты мадæлон капитал, дыккагæн та ма бафтаудзысты 150 мины, æмæ уыдзæн 600 мин сомæй фылдæр
Ацы аз сывæллон кæй бинонты райгуырд, уыдон райсдзысты паддзахадон æххуыс. Фыццаг сывæллонæн бинонтæ райсдзысты мадæлон капитал, дыккагæн та ма бафтаудзысты 150 мины, æмæ уыдзæн 600 мин сомæй фылдæр. Уыимæ Паддзахадон лæггæдты порталы фидаргонд куы уай, уæд алы ведомствæтæм цæуын нал хъæуы.
Бæззаты Аннæ у дыууæ сывæллоны мад. Дыккаг райгуырд æрæджы. Бинонтæ райстой мадæлон капиталы сертификат. 15 апрелæй ацы фæтк æххстгонд цæуы æвæстиатæй, кæд паддзахадон лæггæдты порталы хи кабинет ис, уæд. Сæйрагдæр у – фидаргонд куыд æрцæуа, уый.
Порталы ма хи сфидаргæнæн ис почтæйы бастдзинады уылты. Статус æмæ æндæр бæрæггæнæнтæм та æркæсæн ис чырæ телефоны уылты.
Фæрæзтæ куыд хардзгонд цæудзысты, уый бинонтæ сæхæдæг сбæрæг кæндзысты. Сæрмагонд ведомствæмæ уый тыххæй курдиат дæттын нал хъæуы. Пенсион фонд алцыдæр йæхæдæг сæххæст кæндзæн. Сертификат саразынæн бæрæггæнæнтæ ист цæуынц УФ Пенсион фонды информацион системæйæ æмæ æрвыст цæуынц ацы ведомствæйы, кæнæ Паддзахадон лæггæдты порталы мады хи кабинетмæ.
Ахæм хуызы ис бадæттæн бæрæггæнæнтæ, цæмæй хииппæрды рæстæг фыст æрцæуой уæлæмхасæн фиддонтæ дæр. Уый хауы, 3 азы уæнг сывæллæттæ цы мадæлтæн ис, æмæ йæ мадæлон капиталæй чи спайда кодта, уыдон. Кризисы ныхмæ программæ æххæстгонд цæуы 30-æм июньмæ. Ныронг уал балæвæрдтой 9 мин курдиатæй фылдæр.
Фонды ма куыд фехъусын кодтой, афтæмæй мадæлон капитал ацы азæй фæфылдæр. Ныр йæ бæрц у 616 мины 617 сомы. Уый дыккаг сывæллон 2020-æм азы кæй бинонты фæзынд, уыдонæн. 2007-æм азæй 2019-æм азмæ та йæ бæрц уыд 466мины 617 сомы. 15-æм апрелæй та сертификаттæ радтой 80 бинонтæн. Кæд йæ райсынимæ зындзинæдтæ сæвзæра, уæд та специалисттæ цæттæ сты баххуыс кæнынмæ. Сæрмагонд телефоны номыртæ кусынц сæрмагонд фæткмæ гæсгæ.
