Ивгъуыд къуыри Мæскуыйы ацыд дæсæм юбилейон чемпионат
Ацы аз Цæгат Ирыстон «Абилимпикс»-ы чемпионаты Уæрæсейы иннæ регионты *хсæн сси раззагдæр. Ивгъуыд къуыри Мæскуыйы ацыд дæсæм юбилейон чемпионат. Нæ республикæйы минæвæрттæн дзы лæвæрд æрцыд 8 хæрзиуæджы. Бæлвырддæр радзурдзæн Чехойты Фатимæ.
Хæдзары цæлгæнæн Камранæн у йæ уарзондæр бынат. Лæппуйы ныхæстæм гæсгæ, уый йæ хъысмæт у. Профессионалон ахуыргæнæндоны 4-æм курсы студент хæринаджы ад бынтон хорз иртасы. Фæлвары, иумæ чи нæ фидауы, ахæм хойрæгтæй хæрзад хæринаг аразыныл. Йæ размæ æвæры стыр нысан. Фæнд кæны молекулярон хæринаггæнæн куыстуат байгом кæныныл. Ныр ма уал ын йæ дæсныйадæн аргъ скодтой чемпионат «Абилимпикс»-ы. Камран бацахста дыккаг бынат чъиритæ кæнынæй.
Чемпионаты архайджытæ, се *хсæн фæсарæйнаг бæстæты минæвæрттæ, афтæмæй ерыс кодтой 50 дæсныйады. Йе *нæниздзинад хъыгдард кæмæн у, уыцы архайджыты *хсæн Хæмыхъоты Виктор рамбылдта бронзæ майдан. Виктор фаронимæ абаргæйæ йæ арæхстдзинад фæбæрзонддæр кодта. Сси «Дизайн æмæ персонажты анимаци»-йы дæсныйады призер. Тырны иннæ аз чемпионаты уæлæхиздзау суæвыныл.
Хæмыхъоты Викторимæ электрон колледжæй чемпионаты архайдта Хъазиты Ольгæ. Уый дæр рамбылдта бронзæ майдан ног дæсныйад «Графикон дизайн»-ы. Ольгæйы дизайны сусæгдзинæдтимæ базонгæ кодта йæ зондамонæг Маринæ Гречева. Ахуыргæнæг ацы аз фыццаг хатт сси чемпионаты национ эксперт.
Цæгат Ирыстоны делегацийы уыд 33 адæймаджы. Уыдоны *хсæн уыдысты чемпионаты архайджытæ, зондамонджытæ æмæ национ эксперттæ. Нæ республикæйы минæвæрттæ рамбылдтой 8 хæрзиуæджы, уыдонæй иу сызгъæрин, 3 æвзист æмæ 3 бронзæ, æмæ ма фыццаг къæпхæны диплом дæсныйад «Инклюзивное кафе»-йы.
Финалон конкурсты архайдтой 900 адæймаджы. Чемпионат цыди 4 боны. Уыцы рæстæгмæ йæ архайджытæн арæзт æрцыдысты дæсгай фембæлдтытæ æмæ тымбыл стъолтæ. Нæ республикæйæн лæвæрд æрцыд сæрмагонд хæрзиуæг. Уæрæсейы Хицауады сæрдары хæдивæг Дмитрий Чернышенко 2023-æм æмæ 2024-æм азты «Абилимпикс»-ы змæлды рæзты бæрæггæнæнтæм гæсгæ Цæгат Ирыстон-Алани схорзæхджын кодта сæрмагонд лæварæй.
