Уый тыххæй йæ пресс-конференцийы рæстæг фехъусын кодта республикæйы ахуырады æмæ наукæйы министр Алыбекты Эллæ
Ацы аз Цæгат Ирыстоны зынгæ фæкъаддæр ис, иумæйаг паддзахадон фæлварæны æппынкъаддæр бæрæггæнæн чи нæ райста, уыцы ахуырдзауты нымæц. Уый тыххæй йæ пресс-конференцийы рæстæг фехъусын кодта республикæйы ахуырады æмæ наукæйы министр Алыбекты Эллæ. Ведомствойы разамонæг куыд фæбæрæг кодта, афтæмæй æппæты æвзæрдæр бæрæггæнæнтæ вæййынц æхсæнадзонынадæй, уыимæ зынгæ сырæзтысты физикæ æмæ математикæйæ бæрæггæнæнтæ. Ацы аз æппæты фылдæр баллтæ райстой Дзæуджыхъæуы 47-æм æмæ 5-æм скъолаты ахуырдзаутæ, æппæты къаддæр баллтæ 8-æм æмæ 14-æм скъолатæ, стæй Джызæлы интернат. Министрд куыд загъта, афтæмæй уыцы ахуыргæнæндæттимæ бакусдзысты бынаты. Уыимæ нæ фаг кæнынц ахуыргæнджытæ математикæйæ, физикæйæ, англисаг мæ уырыссаг æвзæгтæй.
