20% фылдæр сырæздзæн фæллойы мызды æппынкъадæры бæрц, æмæ суыдзæн 27 093 сомы
Ацы азы 1-æм январæй фæстæмæ Уæрæсейы сæ тыхы бацыдысты цалдæр закъоны. 20% фылдæр сырæздзæн фæллойы мызды æппынкъадæры бæрц, æмæ суыдзæн 27 093 сомы. Уымæй дарддæр фæфылдæр уыдзысты цæрынæн æппынкъаддæры бæрц æмæ социалон фиддонтæ. Фæдзæхстадон пенситæ сырæздзысты 7 æнæхъæны æмæ 6 дæсæм хайы% онг. Зæгъын ма хъæуы уый, æмæ алывæрсыг æххуыс цæудзæн бинонтæн. Дыууæ, кæнæ фылдæр сывæллоны цы кусгæ ныййарæгæн ис, уыдонæн снысан кæндзысты ног фиддонтæ. «Мать-героиня»-йы статус кæмæн ис, уыдон социалон гарантитæ исдзысты, Уæрæсейы Хъæбатырты æмæ Фæллойы Хъæбатыртимæ æмрæнхъ. Цалдæр закъоны фæрцы ахадгæ æххуыс цæудзæн сæрмагонд æфсæддон операцийы архайджытæн, стæй сæ бинонтæн æмæ хæстæджытæн. Ахсджиаг закъон ма баст у уыимæ, æмæ, амæй фæстæмæ хъалонты льготæтæ нал исдзысты, фæсарæйнаг агенттыл нымад чи рцыд, уыдон.
