02 декабря 2013, 11:10
Ацы азы 10 мæймæ Цæгат Ирыстоны фæндæгтыл 113 адæймаджы фæмард сты, 988 та фесты алыхуызон цæфтæ
Фаронимæ абаргæйæ æрцыд 78 фыдбылызты фылдæр. Ахæм бæрæггæнæнтæй райдыдта фæндæгты æдасдзинады хицауадон къамисы æмбырд. Фæндæгтыл æдасæй цæуыны паддзахадон
Фаронимæ абаргæйæ æрцыд 78 фыдбылызты фылдæр. Ахæм бæрæггæнæнтæй райдыдта фæндæгты æдасдзинады хицауадон къамисы æмбырд. Фæндæгтыл æдасæй цæуыны паддзахадон автоинспекцийы цæгатирыстойнаг управленийы хицауы хæдивæг Бекъойты Артур йæ доклады куыд загъта, афтæмæй æппæт фыдыбылзтæй 87 цауы уыд сывæллæтты архайдимæ. Зынгæ фæфылдæр, республикæмæ фæсарæнтæй кæй æрбаласынц, уыцы машинæты нымæц дæр, сæ фылдæр та сты Хуссар Ирыстоны регистрацигонд. Æмбырды ма ныхас цыд республикæйы фæндæгтæ зымæгмæ куыд цæттæ сты, ууыл дæр. Уæлдай æргом здæхт æрцыд видеорегистраторты куыстмæ дæр – цы закъонхæлдтæ бæрæг кæнынц – машинæтæ тагъд кæй цæуынц, стæй фæндаггон æгъдæуттæ кæй халынц, уый тыххæй ивар фидынц адæмæн сæ 21 %. Уый у иннæ регионтимæ абаргæйæ зынгæ къаддæр.
Бекъойты Артур, фæндæгтыл æдасæй цæуыны паддзахадон автоинспекцийы цæгатирыстойнаг управленийы хицауы хæдивæг: «Анализмæ куы ркæсæм, уæд фыдбылызтæ фылдæр цæуынц шофырты тыххæй. Вæййы сæрмагонд устройство, сывæллон кæм хъуамæ бада, гæнæ рæттæ бафтауын хъæуы. Сывæллæттæ разæй куы фæбадынц, уæд фыдбылызы рæстæг сывæллон æфхæрд баййафы. Æмæ хъуамæ хистæртæ уымæ кæсой, æмæ ма дæттой бар, цæмæй сæ кæстæртæ разæй бадой, кæнæ æндæр рæдыдтæ».
темæмæ гæсгæ
