филиал вгтрк государственная телерадиовещательная компания “Алания”

Фæндæгтыл цæуыны æдасдзинад бахъахъхъæныны æмæ æгъдаухæлдтытæ фæкъаддæр кæныны тыххæй Цæгат Ирыстоны æвæрд æрцыд 14 стационарон комплексы æмæ, иу ранæй иннæмæ хæссæн кæй ис, ахæм 20 къамисæн æмæ видеоцæстдарæн системæйы. Ацы азы кæронмæ фæндæгтыл сæвæрдзысты 40 камерæйы æмæ 60 мобилон регистраторы.

Камерæтæ куыд æмæ кæм æвæрын хъæуы, уыцы фарстамæ шофыртæм иухуызон ахаст нæй. Иуты хъуыдымæ гæсгæ сæ æвæрын хъæуы, куыд зыной, афтæ. Уым хъуамæ æвæрд цæуой амонæнтæ дæр. Иннæты хъуыдымæ гæсгæ та камерæтæ æвæрд цæуынц, куыд æмбæлы, афтæ. Зæгъын хъæуы уый дæр æмæ закъонмæ гæсгæ камерæтæ æвæрæн ис куыд нæ зыной, ахæм рæтты. Амонæнтæ та æвæрын хъæуы æрмæстдæр стационарон камерæты раз.