Ацæргæ адæмæн мобилон терминалты фæрцы æххуыс кæнынц финансон операцитæ кæнын.
Ацы азы райдианæй нæ республикæйы
почтæйы кусджытæ райдыдтой ног хæстæ æххæст кæнын. Ацæргæ адæмæн мобилон
терминалты фæрцы æххуыс кæнынц финансон операцитæ кæнын. Нырма уал ногдзинадæй
тестыты хуызы пайда кæнынц 120 почтальоны. Кæд æнтыстджын куыст уа, уæд æй
парахат кæндзысты районты дæр. Фидараты Маринæ радзурдзæн бæлвырддæр.
Messageman хæдзары. Афтæ сæхицæй дзурынц почтæйы кусджытæ. Ацы азы
январæй фæстæмæ сæ хæстыл бафтыд. Хъуамæ ма кæной финансон операцитæ дæр
смартфонты æмæ терминалты фæрцы.
Почтæйы æмæ кассæйы мобилон терминалтæ
нæ республикæйы фæзындысты æрæджы, цыппар мæйы размæ. Нырма уал сæ тестыты
хуызы пайда кæнынц 120 почтальоны. Ахæм сервис æнцонвадат у пенсиисджытæн æмæ,
бирæ чи не змæлы, ахæм адæмæн, зæгъынц Уæрæсейы Почтæйы кусджытæ. Ныридæгæн ацы
лæггæдтæн ис сæхи клиенттæ. Се хсæн
Рипсимæ Черкасова дæр.
Почтæйы бастдзинады хайæдтыл уæлæмхасæн
цы хæстæ бафтыд, уыдоны фæрцы фæфылдæр почтальонты фæллойы хъомысдзинад дæр.
Ома фылдæр архайын райдыдтой чырæ телефонты сæрмагонд программæтæй æмæ фидæн
терминалтæй. Ахæм практикæйæ æнтыстджынæй пайда кæнынц канд горæты нæ, фæлæ
районты дæр.
Уæрæсейы Почтæ дарддæр почтальонты
ифтонг кæны мобилон æмæ кассæты терминалтæй. Кæд ацы аз республикæйы цæрджытæ
ног лæггæдтæй æнтыстджынæй пайда кæной, уæд системæйы ахуырадон курсытæ
сараздзысты æппæт кусджытæн дæр.
