Уыцы нысантæн Социалон фонды республикон хайад радих кодта 74 милуан сомы онг
Ацы азы райдианæй Цæгат Ирыстоны 700 бинонтæ мадæлон капитал схардз кодтой сывæллæтты ахуырадыл. Уыцы нысантæн Социалон фонды республикон хайад радих кодта 74 милуан сомы онг. Фиддонтæй спайда кæнæн ис канд рæвдауæндонæн фидынæн нæ, фæлæ ма фæсарæйнаг æвзаджы курсытæн æмæ спортивон ахуыртæн дæр. Уыимæ, организаци, кæнæ хицæн амалхъом адæймаг хъуамæ уой Уæрæсейы территорийы, æмæ йæм уа лицензи ахуырадон лæггæдтæ кæнынæн. Лæггæдтæн мадæлон капиталæй бафидæн ис бинонты алы сывæллонæн дæр. Уæлдай нæу, сертификат кæцыйæн райстой, уый. Зæгъын хъæуы уый, æмæ сывæллæтты ахуырад мадæлон капиталы фæрæзтæй ис дыккаг бынаты. Уымæй фылдæр та бинонтæ фæрæзтæй спайда кæнынц цæрыны уавæртæ фæхуыздæр кæнынæн.
