Ацы хъуыддаг сæххæст кæнынæн хъæуы æрмæст фæсидын цæрæн бынатмæ гæсгæ поликлиникæмæ кæнæ та терапевтмæ
Ацы азы райдианæй Цæгат Ирыстоны диспансеризаци ацыдысты 73 мин адæймагæй фылдæр. Ацы хъуыддаг сæххæст кæнынæн хъæуы æрмæст фæсидын цæрæн бынатмæ гæсгæ поликлиникæмæ кæнæ та терапевтмæ. Медицинон куыстуæттæм алкæмæн бацæуыны фадат кæй нæй, уый хынцгæйæ дæрддзæф хъæутæм æдзух абалц кæнынц цæугæ медицинон комплекстæ. Уыдоны ис скæнын мамоографи, флюорографи, электрокардиограммæ æмæ райсын профилон дохтырты консультаци. Ацы аз ма национ проект «Дæргъвæтин æмæ активон цард»-мæ гæсгæ республикæ фæнд кæны балхæнын цалдæр ахæм медицинон комплексы. Специалисттæ зæрдыл лæууын кæнынц, диспансеризацийæн ахсджиаг нысаниуæг кæй ис, уый. Йæ фæрцы гæнæн ис низтæ рагагъоммæ рабæрæг кæнын.
