Уый тыххæй йæ телеграмм-каналы радзырдта нæ республикæйы сæргълæууæг Сергей Меняйло
Ацы азы райдианæй Цæгат Ирыстоны йе нæниздзинадмæ æркастысты 184 адæймаджы. Уый тыххæй йæ телеграмм-каналы радзырдта нæ республикæйы сæргълæууæг Сергей Меняйло. Регионы разамонæг куыд бафиппайдта, афтæмæй адæмы æнцондзинады тыххæй ахадгæ куыст кæнынц мобилон медицинон комплестæ. 11 сæрмагонд машинæйы æппынæдзухдæр абалц кæнынц районтæм. Хи хъæуы ис туджы сæкæры æмвæзад базонæн, флюорографи æмæ маммографи скæнын, зæрдæйы æнæниздзинадмæ æркæсын, æмæ афтæ дарддæр. Машинæтæ ифтонг сты нырыккон диагностикон кусæнгæрзтæй. Сæ руаджы фадат ис рынчынмæ бæстонæй æркæсынæн, стæй йын афойнадыл хос скæнынæн. «Цæлхытыл поликлиникæтæ» кусынц национ проект «Æнæниздзинадхъахъхъæнынад»-ы фæлгæты. Районты цæрджытæ лæггæдтæй сты разы – зæгъы республикæйы сæргълæууæг.