Хъуыстгонд фыссæг ирон æвзагмæ ратæлмац кодта Пушкины, Лермонтовы æмæ Шекспиры уацмыстæ, йæхи литературон уацмыстæ та йын тæлмац кодтой уырыссаг æвзагмæ
Ацы бонты 110 азы сæххæст зындгонд ирон поэт, прозаик, театралон архайæг Плиты Грисы райгуырдыл. Мæскуыйы аивадон академион театры фыццаг ирыстойнаг студийы рауагъдон, разамынд лæвæрдта Ирон драмон театрæн. Уый фæстæ уыд газет «Рæстдзинад»-ы сæйраг редактор. Бирæ æмдзæвгæты æмæ драмон уацмысты иугæндты автор Плиты Грис Фыдыбæстæйы Стыр хæстæн фæцыд йæ кæронмæ, æмæ сыздæхт майоры цины. Хъуыстгонд фыссæг ирон æвзагмæ ратæлмац кодта Пушкины, Лермонтовы æмæ Шекспиры уацмыстæ. Йæхи литературон уацмыстæ та йын тæлмац кодтой уырыссаг æвзагмæ. Плиты Грисы ном хæссынц Октябрьскæйы уынг æмæ библиотекæ, стæй Дзæуджыхъæуы уынгтæй иу. Литературон генийы тыххæй бæлвырддæр радзурдзæн Хъайтмазты Дзерассæ.
Ахæм фыстæджы фæстæ Цыбырты Людвиг дарддæр бакуыста чингуытыл «Кавказы периодикон мыхуыр Ирыстоны æмæ ирæтты тыххæй», æмæ 2 томы бæсты рауагъта 7. Уымæн æмæ йын Плиты Грисы раппæлд бæрзонд бæрæггæнæн у. Поэт, прозаик, тæлмацгæнæг. Плиты Грис уыд ирон литературæйы æцæг дæсны.
Йæ фæрцы аивадуарзджытæ ирон театры сценæйы федтой Тæбæхсæуты Балойы Отеллойы. Номдзыд актер дзырдта номдзыд поэты ныхæстæй. Плиты Грис ратæлмац кодта ныгуылæн-европæйаг классикты 40 драмон уацмысы бæрц æмдзæвгæты хуызы. Уый йæхи сфæлдыстадæй уæлдай.
Профессионалон актер Плиты Грис бæлвырд зыдта, йæ алы ныхас дæр райхъуысдзæн сценæйæ. Йæ уацмысты хъайтарты сурæттæ автор иста йæ царды фæлтæрддзинадæй.
Литераторимæ зонгæ чи уыд, уыдон дзырдтой, куыд хистæр, афтæ йæм фæсивæдмæ уыд цытджын ахастддзинад. Кæддæриддæр уыд рæстаг.
Плиты Грисы уацмыстæ уырыссаг æвзагмæ ратæлмац кодтой Анна Ахматова, Павел АнтокОльский, Наум ГрЕбнев. Уый уыд литераторы курдиаты æвдисæн. Грис йæхæдæг æвзæр тæлмацтæ нæ иста, дзырдæн аргъ кæнын зыдта.
Плиты Грисы цард æнцон нæ уыд. Фæлæ сæрбæрзондæй ахызт се ппæт зындзиндæдты сæрты æмæ баззад ирон литературæйы æцæг сфæлдисæгæй.
Зарæг гæнæн ис, æмæ аскъуына. Фæлæ адæмы зæрдæты куы баззайа, уæд æнустæм цæрдзæн.
