Чырыстон адæмæн райдыдта Стыр комбæттæн
Абоны чырыстон адæмæн райдыдта Стыр комбæттæн. 7 къуырийы дæргъы кувæг адæм нæ архайдзысты ирхæфсæн мадзæлтты, стæй сæхи уромдзысты хæринагмæ. Афтæмæй сæхи цæттæ кæндзысты Куадзæнмæ. Ацы аз æрхауди 19-æм апрельмæ. Чырыстон аргъуаны сидынц адæммæ, цæмæй комбæттæн æмæ хæринаг æнæуи нæ хæрын ма хæццæ кæной. Куыд зæгъынц, афтæмæй ам сæйрагдæр у – уд ссыгъдæг кæнын æмæ кувын. Ацы бонты фесты цæрвкъахæнтæ дæр. Сбæрæг æй кодтой Дзæуджыхъæуы центрон парчы. Республикæйы цæрджытæ æмæ уазджытæ архайдтой адæмон хъæзтыты, тематикон викторинæты, дæсныйадæвдисæг ахуырты. Концертон фæзты адæмы зæрдæтæ бахъæлдзæг кодтой национ-культурон центртæ, хъазахъхъæгтæ æмæ æндæр сфæлдыстадон къордтæ.
Хъæлдзæгæй Цæрвкъахæнтæ арвыстой Мæздæджы районы станица Луковскæйы дæр. Станицæйы цæрджытæ рагон æгъдаумæ гæсгæ равæрдтой стъолтæ, скодтой лауызтæ, æмæ бæрæгбоны æндæр хæринæгтæ. Хъазахъхъæгты ансамбль «Терцы» бацæттæ кодта музыкалон программæ. Хъуыстысты дзы адæмон зарджытæ.
