Ирыстоны нымад у республикæйы аивады хуыздæр традицитæ хъахъхъæнæгыл æмæ сæ фæлтæрæй-фæлтæртæм чи дæтты, ахæм адæймагыл
Ацы бонты йæ юбилей сбæрæг кодта зындгонд режиссер, кинематографист, Уæрæсейы аивæдты сгуыхт архайæг Туаты Теминæ. Ирыстоны нымад у республикæйы аивады хуыздæр традицитæ хъахъхъæнæгыл æмæ сæ фæлтæрæй-фæлтæртæм чи дæтты, ахæм адæймагыл. Туаты Теминæ у кинематографийы æппæтуæрæсеон паддзахадон институты кино иртасæн факультеты фыццаг ирон рауагъдон. Йæ курдиаты уæрæх æмæ алывæрсыгдзинад ирдæй равдыста киноты. Сарæзта бирæ цымыдисаг фæлгонцтæ.
Ахъазыд ахæм аивадон кинонывты куыд, «Загадка кубачинского браслета», «Седьмая пятница», «Древо желания». Туаты Теминæ у бирæ документалон кинонывты режиссер æмæ продюсер «Граждане Беслана», «Аланы: Дорога на Запад», æмæ æндæртæ.
Алайнаг циклы кинонывтæ сты уæлдай цымыдисагдæр проект. Бакуыста йыл ирон адæмы рагфыдæлтæ сæ фæд кæм ныууагътой, уыцы бирæ бæстæтæй йе мкусджытимæ. Теминæ у «Нарт – арт» студийы директор, стæй æнтыстджын æхсæнадон архайæг. Туаты Теминæ йе вæрæн бахаста Адæмон фронты регионалон хайадæн бындурæвæрынадмæ. Уыди регионалон штабы фыццаг æмсæрдар. Æрыгон кинематографисттæн Туаты Теминæ у мастеры дæнцæг, йæ равзæрст дæсныйадыл иузæрдион, ирд æмæ хъæздыг удварны хицау. Туаты Теминæйæн йæ юбилейы фæдыл арфæ кæнæм нæ редакцийы номæй дæр.
