Цæгат-Ирыстойнаг управленийы кусджытæн раарфæ кодта сæ разамонæг Гæцойты Светлана, мидхъуыддæгты министрады кусджытæ, терчы хъазахъхъæгты, стæй æхсæнады минæвæрттæ.
Икъаты Мæдинæ, тæрхондæтты пъырыстыфты федералон службæйы цæгатирыстойнаг управленийы кусæг: «Абон махæн у нæ профессиооналон бæрæгбон. Æз æй фыццаг хатт бæрæг кæнын æмæ бузныг зæгхын нæ хицауадæн, кæй ныл баууæндыдысты, уый тыххæй».
Царахаты Хъазыбег, тæрхондæтты пъырыстыфты федералон службæйы цæгатирыстойнаг управленийы хицауы хæдивæг: «Абон у махæн нæ бæрæгбон, ног кусджыты райстам нæ рæнхъытæм, æмæ мæ фæнды, цæмæй сæ бынат ссарой мах æхсæн. Нæ хуыздæр кусджыты абон сбæрæг кодтам, хæрзиуджытæ сын радтам, æмæ нæ тынг фæнды, цæмæй абон цы æрыгон фæсивæд райстам нæ рæнхъытæм, уыдон дæр сæ хъуыддæгтæм куыд тырной, ахæм арфæ сæ уæд».