09 февраля 2018, 15:14
Ацы хъуыддагæн федералон фæрæзтæй дихгонд æрцыди миллиард æмæ 276 милуан сомы
Федералон нысанон программæ «Цæгат Кавказы федералон зылды райрæзт» æххæстгæнгæйæ, нæ республикæйы тарнизы ныхмæ рынчындоны арæзт æрцæудзæн 10 ног корпусы.
Федералон нысанон программæ «Цæгат Кавказы федералон зылды райрæзт» æххæстгæнгæйæ, нæ республикæйы тарнизы ныхмæ рынчындоны арæзт æрцæудзæн 10 ног корпусы. Ацы хъуыддагæн федералон фæрæзтæй дихгонд æрцыди миллиард æмæ 276 милуан сомы. Уæлæмхасæн ма сын радих кæндзысты ноджыдæр 500 милуаны. Ууыл дæр ныридæгæн ис бæлвырд ныхас. Арæзтад æххæстæй фæуыдзæн 2020-æм азмæ. 4 корпусы та дзы эксплуатацийы ратдзысты афæдзы кæронмæ. Уым дзæбæх кæндзысты æппæты уæззаудæр рынчынты.
Тарнизы ныхмæ рынчындоны сæйраг дохтыр Малиты Батырбег æвдисы ног бæстыхæйтты проект. Пъланмæ гæсгæ, 4 гектары территорийыл арæзт æрцæудзæн дæс ног корпусы. Медицинон куыстуаты разамонæг зæгъы, цæмæй ног бæстыхæйттæ саразой, уый тыххæй хъуыди зæрæттæ акалын. Арæзтад уыдзæн 70 азты дзы цы корпус куыста, уый бынаты дæр.
Арæзтадон куыстытæ райдыдтой майы. Дæнцæгæн райстой Цæцæны республикæйы тарнизы рынчындоны проект. Фæрæзтæ сын радих кодтой, федералон программæ æххæстгæнгæйæ. Фæлæ ма зæрдæ дарынц ноджыдæр 500 милуаныл. Ног бæстыхæйтты æххæстгонд уыдзысты æппæт нормæтæ. Зæронд палатæтæн сæ фылдæр уыдысты 5 – 7 адæймагæн. Ныр та нырыккон домæнтæм гæсгæ палатæйы 2 адæймагæй фылдæр хъуамæ ма уа. Уæззау рынчынтæ кæм уа, уым та уыдзысты иугæйттæй. Алы агъуысты дæр хицæн хинайæн æмæ сантехникæ.
Фыццаг уал арæзт æрцæудзысты, уæззау рынчынтæ кæм уыдзæн, ахæм дыууæ бæстыхайы. Уырдæм æнцонтæй бацæуæны бар нæ уыдзæн. Кусдзæн дзы сæрмагонд уадзæн системæ, æмæ боксты хуызы палатæтæ. Уыцы корпустæ хъуамæ сцæттæ уой ацы азы кæронмæ.
Иннæ 6 бæстыхайы арæзтад нысан кæнынц 2020-æм азмæ фæуын. Рагагъоммæ балхæдтой медицинон кусæнгæрзтæ, уымæн сын æххуыс уыдысты федералон субсидитæ. Дихгонд сын æрцыди 70 милуан сомы. Нырыккон аппаратты фæрцы сæ бон у рынчыны анализтæ æнæдызæрдыгæй сбæрæг кæнын. Уый фæрцы та адæймагæн диагностикæ скæнынц тагъддæр, æмæ йæ дзæбæхгæнæн процесс райдайы афоныл.
Тарнизы ныхмæ рынчындоны сæйраг дохтыр Малиты Батырбег æвдисы ног бæстыхæйтты проект. Пъланмæ гæсгæ, 4 гектары территорийыл арæзт æрцæудзæн дæс ног корпусы. Медицинон куыстуаты разамонæг зæгъы, цæмæй ног бæстыхæйттæ саразой, уый тыххæй хъуыди зæрæттæ акалын. Арæзтад уыдзæн 70 азты дзы цы корпус куыста, уый бынаты дæр.
Арæзтадон куыстытæ райдыдтой майы. Дæнцæгæн райстой Цæцæны республикæйы тарнизы рынчындоны проект. Фæрæзтæ сын радих кодтой, федералон программæ æххæстгæнгæйæ. Фæлæ ма зæрдæ дарынц ноджыдæр 500 милуаныл. Ног бæстыхæйтты æххæстгонд уыдзысты æппæт нормæтæ. Зæронд палатæтæн сæ фылдæр уыдысты 5 – 7 адæймагæн. Ныр та нырыккон домæнтæм гæсгæ палатæйы 2 адæймагæй фылдæр хъуамæ ма уа. Уæззау рынчынтæ кæм уа, уым та уыдзысты иугæйттæй. Алы агъуысты дæр хицæн хинайæн æмæ сантехникæ.
Фыццаг уал арæзт æрцæудзысты, уæззау рынчынтæ кæм уыдзæн, ахæм дыууæ бæстыхайы. Уырдæм æнцонтæй бацæуæны бар нæ уыдзæн. Кусдзæн дзы сæрмагонд уадзæн системæ, æмæ боксты хуызы палатæтæ. Уыцы корпустæ хъуамæ сцæттæ уой ацы азы кæронмæ.
Иннæ 6 бæстыхайы арæзтад нысан кæнынц 2020-æм азмæ фæуын. Рагагъоммæ балхæдтой медицинон кусæнгæрзтæ, уымæн сын æххуыс уыдысты федералон субсидитæ. Дихгонд сын æрцыди 70 милуан сомы. Нырыккон аппаратты фæрцы сæ бон у рынчыны анализтæ æнæдызæрдыгæй сбæрæг кæнын. Уый фæрцы та адæймагæн диагностикæ скæнынц тагъддæр, æмæ йæ дзæбæхгæнæн процесс райдайы афоныл.
Касаты Наирæ
темæмæ гæсгæ
