Кæд æмæ нырыккон техникон гæнæнты фæрцы сæ лæггæдтæй къаддæр адæм пайда кæнынц, уæддæр ацы къабаз у ахсджиаг
Ацы мæй почтæйы куысджытæ фæбæрæг кæнынц сæ профессионалон бæрæгбон. Кæд æмæ нырыккон техникон гæнæнты фæрцы сæ лæггæдтæй къаддæр адæм пайда кæнынц, уæддæр ацы къабаз у ахсджиаг. Ис ын социалон-экономикон ахадындзинад. Æмæ почтæ нæ абоны царды у ахсджиаг. Цæгæтаирыстойнаг филиалы 10 азæй фылдæр шофырæй кусы Туаты Петр. Къуыри цалдæр хатты абалц кæны Хуссар Ирыстонмæ. Ацы хатт йемæ ацыд не сфæлдыстадон къорд дæр.
Хуссар Ирыстонмæ, арæнты сæрты къуыри 2 хатты цæуæм. Нæ гæххæтытæ хъуамæ уой куыд æмбæлы афтæ.
Туаты Петр радон рейсы цæуы Хуссар Ирыстонмæ. Дзæуджыхъæуы почтæйы бастдзинады транспортон цехы кусæг Транскамы фæндагыл цæуы 10 азы. Цхинвалмæ хæццæ кæны сæ почтæ. Йе мкуысджытæ йын æдзухдæр фæзæгъынц фæндараст.
Афæдзы дæргъы ацы фæндаг æппынæдзух æдас нæ вæййы. Фæззæг æмæ уалдзæг – къæвдатæ æмæ ламидæттæ, зымæджы та рацæуынц зæйтæ. Трассæйы дæргъ у 170 километры. Шофырæн рæстæг нæ вæййы, æрлæууынæн æмæ банхъæлмæ кæсынæн, хъæуы почтæ афойнадыл бахæццæ кæнын.
Петр æнæнхъæлæджы уавæрты дæр бахауы. Уæлдайдæр та зымæджы, машинæ дыууæ зæйы хсæн куы фæвæййы, уæд. Ахæм рæстæг хъæуы банхъæлмæ кæсын, цалынмæ фæндаг ссыгъдæг кæной, уæдмæ. Транскамы та йын зонгæ у фæндаджы алы фæзилæн дæр æмæ тъунель.
Петрæй фæстæмæ ма Уæрæсейы почтæйы дæлхайады кусынц шофыртæ, семæ чи рацæуы æмæ машинæмæ почтæ чи бавгæны, ахæм адæм, сты 200-йы.
Къæвда уа æви тынг тæвд, Петр хъуамæ уа фæндагыл. Уый у, йæ куыст афæдзы цыфæнды афон дæр æмæ йæ уарзы. Йæ машинæ кæд бирæ километртæ æрыздыхта, уæддæр цæттæ у радон хатт балæггад кæнын Петрæн, уый та – почтæмæ чи æнхъæлмæ кæсы, уыцы адæмæн.
