Афтæ куысты мызды æппынкъаддæры бæрц уыдзæн 22 мины 440 сомы, уый хауы 4 милуан кусæг адæймагмæ
Ацы мæй Уæрæсейы йæ тыхы бацыдсты цалдæр ногдзинады. Афтæ куысты мызды æппынкъаддæры бæрц уыдзæн 22 мины 440 сомы. Уый хауы 4 милуан кусæг адæймагмæ.
80 азы кæуыл сæххæст, уыцы пенсиисджытæ стæй фыццаг къорды инвалидтæ сæ пенсимæ уæлæмхасæн алы мæй дæр исдзысты 1200 сомы. Хъалонты фиддон фæкъаддæр уыдзæн дыууæ хатты, дыккаг, æмæ йæ фæстæ чи райгуыра, уыцы сывæллæттæн. Уыимæ баст æфтиаг та фæфылдæр уыдзæн 450 мин сомы онг. Уымæй дарддæр 18 мин сомы фидын райдайдзысты иу афæдзмæ, фæллоймæ æмæ хъахъхъæнынадмæ цæттæдзинады нормæтæ чи радта, уыдонæн. Аивдзысты фæндаггон фæтк халджыты ивартæ дæр. Зæгъæм, æдасдзинады рон чи нæ бафтауа, æмæ светофоры сырх рухсмæ чи ацæуа, уый бафидын хъæудзæн 1500 сомы. Нозтджынæй чи скъæра машинæ, уый та фæивар кæндзысты 45 мин сомы. Æгар тагъд чи цæуа машинæйæ, уыдоны ивары бæрц уыдзæн 750 сомæй 7 мины æмæ 500 сомы онг. Курортон æмбæрды бæсты фæзындзæн туристон хъалон. Уый нæ исдзысты цалдæр категорийы адæмæй, се хсæн сæрмагонд æфсæддон операцийы архайджытæ дæр. Æдзард æфсæддонты бинойнæгтæй, 23 азы онг сывæллæтты чи хъомыл кæны, уыдонæн сæ бон уыдзæн сæрмагонд пенси исын. Уыимæ кусынц, æви нæ, уый хыгъд нæ цæудзæн.
