Уымæй дарддæр карздæр фæци уголовон бæрнондзинад, коммерцион, хъалонты æмæ банкты сусæгдзинад чи раргом кæны, уыцы адæмæн
Ацы мæйы райдианæй Уæрæсейы сæ тыхы бацыдысты цалдæр ног закъоны проекты. Уымæй дарддæр карздæр фæци уголовон бæрнондзинад, коммерцион, хъалонты æмæ банкты сусæгдзинад чи раргом кæны, уыцы адæмæн. Тæссаг сын у 5 азы онг ахæстоны фæбадынæй. Стæй ма ивар 5 милуан сомы бафидынæй. Фыдракæндæн карз фæстиуджытæ куы уа, уæд азымджын ахæстоны фæбаддзæн 7 азы онг. 5-æм июлæй фæстæмæ сæ тыхы бацæудзысты ног мадзæлттæ, дроппертимæ тох кæнынæн. Дроппертæ сты – цæстфæлдахджытæн адæймаджы банчы хыгъды æмæ æндæр бæрæггæнæнтæ чи бадæтты, уыдон. Æфхæрд æййафдзысты, 3 азы онг ахæстоны фæбадынæй. Фыдгæнджытæ искæйы картæ кæнæ хыгъд куы раргом кæной, уæд сын тæссаг уыдзæн 6 азы онг ахæстоны фæбадынæй, стæй ма ивар бафидынæй дæр.
