Уæлдай æргом аздæхтой Галдурыдоны æхсæрдзæнмæ
Ацы сæрды национ парк Аланийы райдыдтой егъау аивгæнæн куыстытæ. Уæлдай æргом аздæхтой Галдурыдоны æхсæрдзæнмæ. Уæвгæ та экологон проект у æппæтадæмон. Йæ саразыны хъæппæрис разынд компани Киндер æмæ хъæддаг æрдзы æппæтдунеон организацимæ. Йæ сæйраг хæс у зайæгойты æмæ цæрæгойты дуне бахъахъхъæнын. Уымæ гæсгæ равзæрстой Цæгат Ирыстоны национ парк Алани. Бæлвырддæр радзурдзæн Касаты Наирæ.
Машинæтæн æрлæууæн бынаты ныртæккæ аразт цæуынц уавæртæ. Фæндаджы райдианæй æхсæрдзæнтæм ис 4 км. Маршрут у фистæгæй цæуынæн, уадзынц дзы æрмæстæдр бæхтыл цæуын. Ацы къахвæндаджы æппæт объекты уыдзысты æрдзмæ хæстæг. Уыдзæни дзы шлагбаум æвæрд, ныртæккæ йын фидар кæнынц йæ конструкцитæ.
Галдурыдоны æхсæрдзæнтæм къахвæндаг цæуы Харезы комы уылты. Ма ис алæмæты æрдз. Алыварс дидинæгкалгæ къæдзæхты фæхстæ, цæугæдоны уынæр, сыгъдæг уæлдæф. Къахвæндагыл æдæппæтæй уыдзæни 10 сæрмагонд кæсæн фæзтæ. Алкæцыйы цур дæр дзы æвæрд уыдзæни информацион фæйнæг. Куыст цæуы «Сырх чиныг»-ыл дæр.
Специалистты ма хъæуы декоративон хай саив кæнын. Ацы экспозицийы æвдыст цæуынц флорæ æмæ фаунæйы фæйнæ 5 хуызы.
Маршрут у дæргъвæтин, фæлæ специалисттæ кусынц, цæмæй уа æдас, æмæ æнцонвадат. Хорз уавæртæ дзы уыдзæни æвзонг уазджытæн дæр. Галдурыдоны æхсæрдзæнтæм къахвæндаг скæнын у компани «Киндер» æмæ хъаддаг æрдзы æппæтдунеон фонды æппæтадæмон экологон иумæйаг проект. Ацы хъуыддаг царды рауадзынæн национ парк «Алания» хуымæтæджы нæ равзæрстой.
Национ парчы кусджытæ проектмæ раздæхтой алы организациты æргом. Фæлæ куыд зæгъынц, афтæмæй хæхты кусыныл се ппæт не сразы вæййынц. Разыйы дзуапп сын чи радта, уыдонæй фыццæгтæ уыдысты сфæлдыстадон иугонд «Портал»-ы минæвæрттæ. Фæсивæд уыцы иу рæстæг къахвæндагæн кæнынц цалдæр арт-объекты. Уазджытæн дзы уыдзæни бирæ цымыдисаг хъуыддæгтæ. Зæгъæм фендзысты рагон къахвæндаг, кæддæр ыл цыдысты цæрæгойтæ. Ам уыдзæни скульптурæтæ дæр.
Маршруты кæронбæттæн 30 метры бæрзæндæн рагом историон æвдисæндар. Уый у парчы уазджытæ кæй фенынмæ æрбацæуынц, уыцы Галдурыдон. Ам фæнд кæнынц æхсæрдзæнтæм бацæуæнтæ саив кæнын дæр.
Раззагазиаг леопард фæстæмæ Кавказмæ раздахыны проектимæ национ парчы бирæ бынæттæ баст сты. Афтæ, туристон базæ «Ростсельмаш»-ы бакомкоммæ ма æрæджы фæзынди ноджыдæр иу арт-объект. Уый у, национ парк æмæ Уæрæсейы хъæддаг æрдзы фонды иумæйаг хъæппæрис.
Экологон-къахвæндаджы рацарæзт хъуамæ фæуа ацы аз фæззæджы. Туристтæн ацы маршрут уыдзæни тынг цымыдисаг. Фендзысты дзы ацы комы рагон историон-культурон рæсугъддзинад æмæ хъæддаг æрдзы дунейы сусæгдзинæдтæ.
