Журналистты æмæ интернетæй пайдагæнджыты фæрстытæн дзуаппытæ дæтты нæ республикæйы ахуырады æмæ наукæйы министр Огъуаты Алан. Фарстаты ‘хсæн ис, республикæйы
9-æм училищæйы 40 ахуыргæнæджы æмæ мастеры райстой фарон райстой гæххæттытæ ахуырады оптимизацимæ гæсгæ семæ бадзырд дæрддæр кæй не ххæст кæндзысты, уый тыххæй. Ныр дыккаг хатт райстой хъусынгæнинæгтæ 2014 азы 30-æм июньмæ йеддæмæ кæй нал кусынц, уый тыххæй. Афæдз куыстой куыд 7-æм училищæйы дæлхайад.
Хъуыддаг та афтæ у æмæ астæуккаг профессионалон ахуырады опитимизаци æххæстгæннæйæ, кæцыдæр ахуыргæнæндæттæ баиу уыдзысты. Се хсæн 9-æм æмæ 7-æм училищæтæ дæр.
Дыууæ училищæйы ахуыргæнджытæй кусгæйæ баззайдзысты 7-æм училищæйы чи кусы, уыдон. Цæмæн афтæ у, уыцы фарстайæн дзуаппдæтгæйæ æмæ 9-æм училищæйы кадртыл ныхас кæнгæйæ, 7-æм училищæйы директор Цæголты Тамерлан бафтауы, зæгъгæ 9-æм училищæйы ахуыргæнджыты фылдæр хайы зонындзинæдтæ дзуапп нæ дæттынц федералон паддзахадон ахуырады стандарттæн. Фæлæ сæ алкæмæндæр бар ис ацæуын аттестаци. Хуыздæр чи уа, уый кусгæйæ баззайдзæн.
Иннæ фарта та ма у сывæллæтты уавæр. Бирæтæ сæ цæуынц хъæутæй æмæ сын æндæр ахуыргæнæндонмæ цæуын зындæр у. Цæгат Ирыстоны ахуырады æмæ наукæйы министрады куыд æмбарын кæнынц, афтæмæй профессионалон ахуырады оптимизаци хъæугæ хъуыддаг у. Йæ фæрцы фæхуыздæр уыдзæн ахуырады хæрзхъæддзинад, фæфылдæр уыдзысты ахуырдзауты зонындзинæдтæ, фæхъæздыгдæр уыдзæн ахуыргæнæндоны материалон базæ.
Ахъуыдиаг у ахæм фарста дæр. Сывæллæттæй чидæртæ куыд зæгынц, афтæмæй сын иннæ ранмæ цæуын зын кæй у, уымæ гæсгæ гæнæн ис æмæ сæ ахуыр ныууаддзысты. Ахуырады æмæ наукæйы министрады куыд зæгъынц, афтæмæй се ппæтимæ дæр цæудзæн ныхас æмæ æмбарынгæнæн куыст. Ног куысты бынæттæ сарынæн зæрдæ æвæрынц ахуыргæнджытæн дæр. 9-æм училищæйы бæстыхайы та уыдзæн квалификаци ивæн ресурсон центр.
