филиал вгтрк государственная телерадиовещательная компания “Алания”

Августы кæронмæ Дзæуджыхъæуы хъуамæ фæуа лифтты инвентаризаци. Ахæм хатдзæг скодтой, цæрæнуæтты-коммуналон хæдзарады, артаджы æмæ энергетикæйы цы æмбырд ацыди, уым. Инвентаризаци фадат ратдзæн лифтты кусæнгæрзты реестр сбæрæг кæнынæн, стæй базондзысты æмæ снысан кæндзысты техникон регламенты нормæтæн дзуапп чи нал дæтты, уыцы лифтты хыгъд. Цæрæнуæтты-коммуналон хæдзарады министрады пресс-службæ куыд хъусын кæны, афтæмæй куыстыты цыдæн дзуапп дæтдзысты горæты администраци, стæй лифтты кусæнгæрзтæн лæггадгæнæг сæрмагонд организацитæ æмæ разамындæттæг компанитæ.