Сæ нысан у нæ республикæйы бæрзонддæр хæхтæм схизын.
Автоэкспедици «Уæрæсейы 25 рекорды бынаты»-йы архайджытæ схæццæ сты Цæгат
Ирыстонмæ. Сæ нысан у нæ республикæйы бæрзонддæр хæхтæм схизын. Экспедицийы ис
4 адæймаджы. Се хсæн – журналист æмæ мадзал саразæг Денис Симонов, æмæ йе
мкусджытæ Пензæйæ. Нæ республикæйы уæвгæйæ уахджытæ бабæрæг кодтой Нæлгоймæгты
Алайнаг моладзандон, федтой, Уæрæсейы рекордты чиныгмæ хаст чи рцыд, уыцы Мидæгрæбыны
æхсæрдзæнтæ, стæй Дæргъæвсы некрополь. Маршрут иу кæны нæ бæстæйы 25 уникалон
бынаты. Фæлæ сæ бæрæггонд æрцыд æрмæстдæр 10. Авто-экспедицийы маршрут куыд цæуы,
уымæ цæстдарæн ис он-Лайн фæткмæ гæсгæ. Ныры онг уал иртасджытæ рацыдысты 2000
км. Хъæуы ма сæ 5000 км ацæуын. Уæ зæрдыл уын æрлæууын кæндзыстæм, дугъ
райдыдта 28-æм апрелы Пензæйы. Ныридæгæн экспедицийы архайджытæ уыдысты Цæцæны,
мæхъæлы æмæ Дагестаны. Сæ балц фæуыдзæн 9-æм майы.
