Бакуыста йыл куклатæ аразджыты организацийы президент Светлана Пчельниковайы хæрзаудæн проект.
«Авторон куклаты алæмæты дуне», ахæм сæргондимæ Дзуджыхъæуы байгом æппæтадæмон равдыст.
Бакуыста йыл куклатæ аразджыты организацийы президент Светлана Пчельниковайы хæрзаудæн проект. У ма зындгонд уæрæсейаг нывгæнæг, журнал «Куклаты дуне»-йы разамонæг, паддзахадон хæрзиуджыты лауреат æмæ куклаты Бритайнаг ассоциацийы уæнг. Равдыстмæ хаст æрцыдысты йæхи коллекцийæ, дунейы зындгонд авторты конд куклатæ. Цæгат Ирыстоны национ наукон библиотекæйы сæ экспонаттæ равæрдтой национ æмæ дизайнерон куклатæ аразджытæ: Цъæхилты Зæлинæ, Дзиуаты Земфирæ стæй Грознайæ, Пятигорскæй æмæ Кисловодскæй автортæ. Равдыстмæ æрбацæуджытæн фадат ис 150 экспонатæй фылдæр фенынæн. Экспозицийæ дарддæр ма арæзт æрцыд Светлана Пчельниковаимæ æмæ æндæр æрмдæснытимæ фембæлд. Йæ саразыныл бакуыстой нæ республикæйы промышленносты æмæ транспорты министрад. Афтæмæй æххæстгонд цæуы æрмдæсныйады республикон центры проект. Æрмдæсныты куыстытæ фенæн уыдзæн 7-æм июнæй 25-мæ.
