филиал вгтрк государственная телерадиовещательная компания “Алания”

Азербайджаны ацыди æппæтадæмон фольклорон конкурс-фестиваль «Надежда». Стыр æнтыстдзинæдтæ дзы равдыста адæмон кафты ансамбль «Барс». Уыцы иу рæстæг рамбылдта дыууæ номинацийы. Республикæйы физикон-математикон лицей-интернаты ансамбль архайы 10 азы. Уыцы рæстæгмæ бирæ хæттыты сси алыхуызон æппæтадæмон, уæрæсеаг æмæ республикон конкурсты уæлахиздзау. Фыццаг къорд сæмбырд кодтой 1-аг кълæстæй, архайдтой фæсурокты секциты фæлгæты. Уый фæстæ бындур æвæрд æрцыди национ кафты ансамбль. Йæ хыгъдмæ конд æрцыдысты æрмæст райдиан кълæсты ахуырдзаутæ нæ, фæлæ хистæртæ дæр. Ансамблы ис 7 азæй 18 азы онг кæуыл цæуы, ахæм 70 архайæджы. Се нæивгæ разамонæг у Андрей Бахутов.