07 февраля 2018, 14:00
Азнавур Мкртычан дисы ‘фтауы йæ зондахастæй
15-аздзыд лæппу уарзы истори æмæ архитектурæ. Зоны дунейы зындгонддæр бæстыхæйттæ, æмæ сæ чи сарæзта, уыдоны нæмттæ дæр. Уыцы архитектурон арæзтадтæ ирдæй æвдыст цæуынц йе сфæлдыстады.
Азнавур Мкртычан дисы ‘фтауы йæ зондахастæй.
15-аздзыд лæппу уарзы истори æмæ архитектурæ. Зоны дунейы зындгонддæр
бæстыхæйттæ, æмæ сæ чи сарæзта, уыдоны нæмттæ дæр. Уыцы архитектурон
арæзтадтæ ирдæй æвдыст цæуынц йе сфæлдыстады. Азнавур 5 азæй фæстæмæ
пластилинæй кæны алыхуызон дзаумæттæ. Йæ коллекцийы ис 50 куысты бæрц.
Фæстаг рæстæг райдыдта ног техникæйæ пайда кæнын.
Æцæг горæттæ
æрымысгæ историйымæ. Азнавур Мкртычан ацы пластилинæй конд паддзахад иу
бон нæ арæзта. Рæзыд æмæ ивта. Ныр, лæппуйы ныхæстæм гæсгæ, куыст
кæронмæ фæхæццæ кæны, уымæн æмæ дзы ног объекттæ æвæрынæн бынат нал ис.
Смешариктæй
дунейы архитектурæйы шедевртæм. Азнавур пластилинæй кæны æцæг
бæстыхæйтты хуызтæ. Ам ис Сыгъдæг зæд Михаилы номыл Гæнах, Романовты
хæдзары паддзахбадæн зал. Цалдæр куысты баст сты италиаг архитектурæимæ –
Пизайнаг мæсыг, Колизей. Æрæджы та Азнавур райдыдта ног техникæйæ пайда
кæнын. Лæппу æрмæст бæстыхæйтты æддаг бакаст не ‘вдисы, фæлæ ма сæ саив
кæны мидæгæй дæр. Афтæ конд у йæ уарзон куыст дæр – сыгъдæг Петры
аргъуан Ватиканы.
Ахæм архайд Азнавурæн тынг пайда у, зæгъы йæ мад
Ольга. Лæппуйæн йе ‘нæниздзинад хъыгдард у. Цалдæр азы размæ йын йæ
сæрæн скодтой операци, систой дзы къуыбар. Ныр æй хъæуы социалон
реабилитаци. Йæ куыстытимæ Азнавур фæархайы алыхуызон равдыстыты æмæ
фестивальты. Уымæн Ольга не ‘вгъау кæны йæ тыхтæ æмæ фæрæзтæ. Уыимæ
æдзух хъæуы æлхæнын пластилин.
Хæрзаудæн фондты æххуысы фæрцы
лæппуйæн бантыст дуне фенын. Уыд Италийы, Араббаг Эмиратты,
Санкт-Петербурджы. Цы федта, уый равдыста йе сфæлдыстады.
Азнавуры
коллекцийы сты республикæйы зындгонд бæстыхæйттæ дæр. Се ‘хсæн
паддзахадон филармони, Суниттаг мæзджыд, ирон аргъуан æмæ нæлгоймæгты
алайнаг моладзандон. Куыстытæ цæтæтгонд уыдысты анимацион кинойы
фестиваль «Алолай»-мæ.
Ныридæгæн Азнавур равзæрста фидæны дæснайад дæр. Фæнды йæ суæвын архитектор, æмæ æнæмæнг йæ уарзон бæстæ Италийы.
15-аздзыд лæппу уарзы истори æмæ архитектурæ. Зоны дунейы зындгонддæр
бæстыхæйттæ, æмæ сæ чи сарæзта, уыдоны нæмттæ дæр. Уыцы архитектурон
арæзтадтæ ирдæй æвдыст цæуынц йе сфæлдыстады. Азнавур 5 азæй фæстæмæ
пластилинæй кæны алыхуызон дзаумæттæ. Йæ коллекцийы ис 50 куысты бæрц.
Фæстаг рæстæг райдыдта ног техникæйæ пайда кæнын.
Æцæг горæттæ
æрымысгæ историйымæ. Азнавур Мкртычан ацы пластилинæй конд паддзахад иу
бон нæ арæзта. Рæзыд æмæ ивта. Ныр, лæппуйы ныхæстæм гæсгæ, куыст
кæронмæ фæхæццæ кæны, уымæн æмæ дзы ног объекттæ æвæрынæн бынат нал ис.
Смешариктæй
дунейы архитектурæйы шедевртæм. Азнавур пластилинæй кæны æцæг
бæстыхæйтты хуызтæ. Ам ис Сыгъдæг зæд Михаилы номыл Гæнах, Романовты
хæдзары паддзахбадæн зал. Цалдæр куысты баст сты италиаг архитектурæимæ –
Пизайнаг мæсыг, Колизей. Æрæджы та Азнавур райдыдта ног техникæйæ пайда
кæнын. Лæппу æрмæст бæстыхæйтты æддаг бакаст не ‘вдисы, фæлæ ма сæ саив
кæны мидæгæй дæр. Афтæ конд у йæ уарзон куыст дæр – сыгъдæг Петры
аргъуан Ватиканы.
Ахæм архайд Азнавурæн тынг пайда у, зæгъы йæ мад
Ольга. Лæппуйæн йе ‘нæниздзинад хъыгдард у. Цалдæр азы размæ йын йæ
сæрæн скодтой операци, систой дзы къуыбар. Ныр æй хъæуы социалон
реабилитаци. Йæ куыстытимæ Азнавур фæархайы алыхуызон равдыстыты æмæ
фестивальты. Уымæн Ольга не ‘вгъау кæны йæ тыхтæ æмæ фæрæзтæ. Уыимæ
æдзух хъæуы æлхæнын пластилин.
Хæрзаудæн фондты æххуысы фæрцы
лæппуйæн бантыст дуне фенын. Уыд Италийы, Араббаг Эмиратты,
Санкт-Петербурджы. Цы федта, уый равдыста йе сфæлдыстады.
Азнавуры
коллекцийы сты республикæйы зындгонд бæстыхæйттæ дæр. Се ‘хсæн
паддзахадон филармони, Суниттаг мæзджыд, ирон аргъуан æмæ нæлгоймæгты
алайнаг моладзандон. Куыстытæ цæтæтгонд уыдысты анимацион кинойы
фестиваль «Алолай»-мæ.
Ныридæгæн Азнавур равзæрста фидæны дæснайад дæр. Фæнды йæ суæвын архитектор, æмæ æнæмæнг йæ уарзон бæстæ Италийы.
Хъайтмазты Дзерассæ
темæмæ гæсгæ
