филиал вгтрк государственная телерадиовещательная компания “Алания”

Бахъахъхъæнæм æмæ фæфылдæр кæнæм хъæдтæ. Бæлæстæ садзыны акци арæзт æрцыд Цæгат Ирыстоны хъæды хæдзарады комитеты хъæппæрисæй. Архайдтой дзы республикæйы æнæнхъæлæджы цауты министрады æмæ транспортон пъæлицæйы кусджытæ, æхсæнадон органицитæ æмæ студенттæ. Дзæуджыхъæуы æмæ республикæйы районты ныссагътой 500 талайы. Уымæй уæлдай ма акцийы архайджытæ бафснайдтой Куырттаты æмæ Хобаны кæмттæ, Октябрскæйæ Тарскæмæ æмæ Алагирæй Тæмискъмæ фæндæгты алыварс. Хъæды хæдзарады комитет ацы акци аразы ныр 4-æм аз. Уыцы рæстæгмæ Цæгат Ирыстоны фæзынд 7 гектары ног хъæдтæ, ис дзы 3 мин бæласы бæрц.

Балаты Мæирбег, РЦИ-Аланийы хъæды хæдзарады комитеты сæрдары хæдивæг: «Тынг разы сты хъæды хæдзарады кусджытæ, мæнæ куыд бирæ адæм æрбацыдис, уымæй. Æмæ уый ууыл дзурæг у, æмæ адæм се ргом здахын байдыдтой хорздзинадмæ, цæмæй нæ республикæ рæсугъд æмæ аива уа, уый».

Бесаты Марат, Æнæнхъæлæдж цауты министрады цæгатирыстойнаг управленийы хайады хицау: «МЧС-ы кусджытæ дæр æгуыст нæ баззадысты, кæддæриддæр ахæм змæлд куы вæййы, уæд мах вæййæм, нæ куыст бакæнæм. Абон дæр æй уæхæдæг федтат, ам, 30 бæласы ныссагътам».