«Пикник Хапиæнимæ». Ахæм бæрæгбон сывæллæттæн арæзт æрцыд Хетæгкаты Къостайы номыл парчы. Акцийы архайыны фадатдзы уыд, кæй фæнды, уыдонæн се `ппæтæн дæр.
Сывæллæттæн бацæттæ кодтой хъæлдзæг ирхæфсæн программæ. Скодтой нывтæ асфалтыл æмæ гæххæттыл, ныссагътой дидинджытæ, клоунтимæ архайдтой хъæзтыты æмæ конкурсты, стæй семæ сæ къамтæ истой. Бæрæгбон арæзт æрцыд журнал «Хапиæн»-ы хъæппæрисæй. Се `ххуысы хай бахастой Дзæуджыхъæуы дуканитæ æмæ ирхæфсæн центртæ дæр. Ахæм акци фыццаг хатт арæзт æрцыд, фæлæ йæ аразджыты ныхæстæм гæсгæ нырæй фæстæмæ суыдзæн традицион.
Гамахарты Мæринæ: «Ахæм бонтæ фылдæр куы уаид. Æрбацыдтæн мæ кæстæртимæ, мæ цоты цотимæ, мæ хойы цотимæ. Тынг сæ зæрдæмæ цæуы. Мæ зæрдæ уый зæгъы, æмæ сывæллæттæн арæхдæр ахæм бæрæгбæттæ куыд уа. Алы конкурсты дæр архайдтой. Аивадон конкурсы дæр, гæпп кæныны конкурсы дæр, дидинджытæ дæр сагътой. Тынг сæ зæрдæмæ фæцыд».
