23 июня 2025, 10:33
Бæстæйы се ппæт уæлдæр ахуыргæнæндæтты дæр цæуы гæххæттытæ исæн кампани
Абитуриенттæн йæ дуæрттæ байгом кодта ЦИПУ дæр
Бæстæйы се ппæт уæлдæр ахуыргæнæндæтты дæр цæуы гæххæттытæ исæн кампани. Абитуриенттæн йæ дуæрттæ байгом кодта ЦИПУ дæр. Цæмæй университетмæ бацæуай, уый тыххæй абитуриент хъуамæ исæнуатмæ æрбахæсса æртæ документы – аттестат, паспорт æмæ СНИЛС. Зæгъæм, гæххæттытæ исæн кампанийы рæстæг абитуриент республикæйы куы нæ уа, уæд документтæ бадæттæн ис дистанцион фæткмæ гæсгæ, паддзахадон лæггæдты парталы уылты. Фæсивæд фылдæр равзарынц юридикон æмæ стоматологи факультеттæ. Университетмæ бюджетон бынæттæм чи цæуы, уыдонæн гæххæттытæ исæн кампани ахæсдзæн 25-æм июлы онг. Йæ ахуыр коммерцион фæткмæ гæсгæ кæмæн уыдзæн, уыдонæн рæстæг ис фылдæр. Документтæ бадæтты фадат сын ис 25-æм августы онг.
