Уæрæсæйы Федерацийы адæмон артисткæ, хореограф æмæ педагог æгæрон æвæрæн бахаста Ирыстоны хæзнадонмæ
Ирон аивады ирддæр стъалы. Афтæ зæгъæн ис, зындгонд кафæг Баййаты Альбинæйæ. Уæрæсæйы Федерацийы адæмон артисткæ, хореограф æмæ педагог æгæрон æвæрæн бахаста Ирыстоны хæзнадонмæ. Кæд бирæ нæ фæцард, уæддæр ныууагъта æнæмынæггæнгæ фæд. 29 азы сæххæст, йæ цардæй куы ахицæн, уæдæй, фæлæ йæ рухс ном ныр дæр цæры. Цы хæдзары царди, уый къулыл байгом кодтой номарæн фæйнæг. Бæлвырддæр радзурдзæн Касаты Наирæ.
Байаты Альбинæйы æнæбафæзмгæ кафты стиль сси адæмон уарзты аккаг, æмæ хуымæтæджы нæ. Альбинæ ирон аивады историйы байгом кодта ног æрттивгæ стъалы. Йæ мемориалон фæйнæг байгом кæныны кадджын мадзалмæ сæмбырд сты йæ хæлæрттæ, йе мкусджытæ, уыдис дзы ахæм адæм, йемæ зонгæ чи нæ уыди, фæлæ йын йе сфæлдыстадæн æгæрон аргъ чи кодта. Йæ легендарон хонгæ, чызджыты æмæ лирикон кафт, æмæ æрмæст уыдон нæ. Альбинæйы хороеграфион композицитæн абон дæр уарзынц æмæ сæм цымыдисæй кæсынц алы фæлтæрты минæвæрттæ. Уæвгæ, йæ кафты ирдæй зынди йæхи сæрыстыр æмæ сыгъдæг удыхъæд дæр. Йæ интервьюты иу арæх дзырдта, аивадмæ уарзондзинад йæ зæрдæйæ кæй нæ цух кæны, æмæ уыцы æнкъарæнтæй кæй цæры, уый. Сценæ йын сси йæ дыккаг хæдзар. Зындгонд æмæ хъуыстгонд Байаты Альбинæ цардмæ уæрæх фæндаг байгом кодта Цæгат Кавказы бирæ курдиатджын артисттæн. Саутуалты Аслан дæр йæхи амондджын хоны, йæ рæстæджы йæ аивады бæллиццаг фидæнмæ Альбинæ кæй æрбахуыдта, уымæй.
Национ кафты аивадимæ Альбинæ базонгæ кодта æнæхъæн дуне. Æмæ уый, æнæ иу дзырд скæнгæйæ. 30 азмæ гастрольты йе мкафджытæ иу æмæ дыууæ хатты нæ аивтой, фæлæ иузæрдионæй æмæ æнæивгæйæ баззади æрмæстдæр паддзахадон ансамбль «Алан». Стыр аргъ ын кодтой стырæй гыццылæй. Сценæмæ йæ иу рацыд адæмæн уыди бæрæгбонау.
Бирæ азты ансамбль «Алан»-ы бакусгæйæ, Альбинæ адарддæр кодта йæ хореографион куыст. Фæстагмæ, филармонийы бындур сæвæрдта ансамбль «Арт»-æн. Йемæ чи куыста, уыдон зæгъынц, сæ разамонæг сын уыди æрмæст сфæлдыстады нæ, фæлæ царды дæнцæг.
Цымыдисаг æмæ æнæбафæзмгæ, кæддæриддæр æххуыс кодта æрыгон солисттæн. Байаты Альбинæ йе вæрæн бахаста ирон кинойы рæзтмæ дæр. «Здесь мой дом», «Чермен» æмæ æндæр кинонывты аивадуарзджытæ федтой æрыгон, рæсугъд æмæ курдиатджын артисткæйы. Альбинæ цæ царды фæстаг сулæфтмæ тох кодта уæззау низимæ. Бирæ азты не хсæн нал ис, фæлæ рæстæгимæ йæ ном нæ рох кæны, уый иу, фæлæ йын йе сфæлдыстадон бынтæ хъахъхъæнынц фæлтæрæй фæлтæрмæ.
