Банчы хыгъды æхца æвæрыны системæ Цæгат Ирыстоны у бæрзонд æмвæзадыл

11 октября 2012, 10:37

Уый тыххæй абон национ банчы æмбырды фехъусын кодта фæдзæхстады агентады генералон директор Александр Турбанов. Æмбырды
архайдтой республикæйы хицауады сæрдары фыццаг хæдивæг Хадыхъаты
Азæмæт, кредитон организациты, æмæ Цæгат Ирыстоны национ банчы
дæлхайæдты разамонджытæ. Александр Турбанов куыд загъта, афтæмæй банчы
æхца фæдзæхсыны фонды системæ ныртæккæ у куыд æмбæлы, афтæ. Фонд рахаста
фæндон, банк банкротыл нымад куы æрцæуа, уæд ын фæдзæхстадон фондæй цы
æхца лæвæрд цæуы, уыдон фæфылдæр кæнын. Кæд фæдзæхстадон æхца 700 сомы
уыдысты, уæд ныр та гæнæн ис, æмæ уой милуан. Фæдзæхстадон фиддонты
нымæц фæфылдæр кæныны закъон фидаргонд æрцæудзæн иннæ аз.