Коммæ бацæуæны та, чи кæдæм цæуы, æмæ цы хъуыддаджы фæдыл, уый
Ивгъуыд фæлладуадзæн бонты барадхъахъхъæнæг оргæнтæ æмæ фæлхасадмæ цæстдарды управленийы кусджытæн уыди иумæйаг рейд. Бæрæг кодтой Хъобангомы фæлладуадзæн базæтæ. Коммæ бацæуæны та, чи кæдæм цæуы, æмæ цы хъуыддаджы фæдыл, уый. Фæлладуадзæн базæтæм сæ ных чи сарæзта, уыдоны фæстæмæ здæхтой. Маскæтæ кæуыл нæ уыди, уыдонæн тæ сæ зæрдыл лæууын кодтой, сæрмагонд фæтк нæм кæй ис, æмæ æдасдзинады домæнтæ æххæст кæнын кæй хъæуы, уый. Уæрстой сын хи хъахъхъæнæн фæрæзтæ.
Ацы фæлладуадзæн бонты Хъобангоммæ бацæуæн уыди æрмæстдæр барадхъахъхъæнджыты цæстдардæй. Мидхъуыддæгты министрады уæнгтæ бæрæг кодтой алы машинæ дæр. Чи кæдæм цæуы, æмæ цы хъуыддаджы фæдыл, уый. Традицимæ гæсгæ, къуырийы кæрон адæм ардæм фæцæуынц сæ фæллад уадзынмæ. Раздæр иу дзы адæмæй къухбакæнæн нæ уыди. Фæлæ пандемийæйы рæстæг, ахæм уавæрæн æруадзæн нæй. Барадхъахъхъæнджытæ сбæрæг кодтой республикæйы Сæргълæууæджы уынаффæтæ куыд æххæстгонд цæуынц, уый.
Фæлладуадзæн базæтæм сæ ных чи сарæзта, уыдоны барадхъахъхъæнæг оргæнтæ фæстæмæ здæхтой. Маскæтæ кæуыл нæ уыди, уыдонæн сæ зæрдыл лæууын кодтой, сæрмагонд фæтк нæм кæй ис, ууыл. Уæрстой сын хи хъахъхъæнæн фæрæзтæ. Рейды мидхъуыддæгты министрады кусджытæ архайдтой фæлхасадмæ цæстдарды управленийы специалисттимæ. Бабæрæг кодтой цалдæр фæлладуадзæн базæйы.
Тотиты Тамерлан ацы бизнесы ис 7 азы. Ацы сезон сын рауади зæгъæн куыд нæй, ахæм æвзæр. Территоримæ æцæгæлон адæймаг нæ цæуы. Фенæн дзы ис æрмæстдæр æхсæрсæттæгтæ. Амалхъом адæймаг æмбары, уавæр хуымæтæг кæй нæу, уый. Куыд зæгъы, афтæмæй æнæниздзинад цыфæнды мулкæй дæр у ахсджиагдæр.
Такъоты Алинæ ацы хъуыддаджы у ног адæймаг. Архайы дзы афæдзы *рдæг. Йæ фыццаг къахдзæфтæ ацы къабазы зæрдæйы фæндон нæ рауадысты. Фыццаг фæлладуадзджытыл сæмбæлынæн ын нырма фадат нæй. Территори йæхæдæг бабæрæг кæны, цæмæй йæ сыгъдæгæй дара, уый тыххæй.
Фæлладуадзæн базæты ма фæлхасадмæ цæстдарды управленийы специалисттæ бæрæг кæнынц, дезинфекцигæнæн фæрæзтæ дзы ис, æви нæ, уый.
Ахæм иумæйаг рейдтæ сты традицион. Аоæзт фæцæуынц рæстæгæй-рæстæгмæ. Фæархайынц дзы бынæттон администрациты минæвæрттæ дæр. Сæ куыстæн ис хатдзæгтæ дæр. Закъонхалджытæ бонæй-бонмæ сты къаддæр.
