Цыдысты Сабырдзинады Проспекты æмæ адæмæн дзырдтой, ног къухылдаргæтæ куы балхæной. Уæд сидзæр сывæллæттæн кæй баххуыс кæндзысты, уый
Барадхъахъхъæнæг оргæнтæ æвзарынц фæсивæдæй чидæртæ волонтертæ сæхи схонгæйæ сидзæр сывæллæтты хæдзæрттæн æхца кæй æмбырд кодтой, уыцы фыдракæнд. Цыдысты Сабырдзинады Проспекты æмæ адæмæн дзырдтой, ног къухылдаргæтæ куы балхæной. Уæд сидзæр сывæллæттæн кæй баххуыс кæндзысты, уый. Сæ ныхæстæм гæсгæ, цы æхца æрæмбырд кæной, уыдон ратдзысты сидзæр сывæллæтты хæдзæрттæн. Фæлæ хъуыддаг афтæ нæ рауад. Бæлвырддæр Касаты Наирæ.
Рæзгæ фæлтæры къорд сæхи волонтертæ хонгæйæ адæмæй курынц, цæмæй блхæной къухылдаргæ аивгæнæнтæ асламæй, цы æхца æрæмбырд кæной, уыдонæй сидзæр сывæллæттæн баххуыс кæндзысты, зæгъгæ. Ацы хъусынгæнинагыл бирæтæ æхсызгонæй сæмбæлыдысты, зæгъы информацион портал 15-æм регионы уацхæссæг Елхъанты Екатеринæ. Фæлæ йæм фæсивæдимæ фæмбæлгæйæ сæвзæрд дызæрдыгдзинад. Уымæн æмæ йæ фæрстытæн бæлвырд дзуæппытæ нæ райста.
Дызæрдыгдзинадмæ сæвзæрын кодта нодждæр æндæр хъуыддаг. Фæсивæды ныхæстæм гæсгæ, сты хæрзаудæн фонд «Луч света»-йы уæнгтæ. Фæстæдæр рабæрæг, уыцы организаци ис Белгороды. Æмæ сæм Цæгат Ирыстоны нивавæр акцитæ цæуы. Екатерина бабæрæг кодта сывæллæтты хæдзæрттæ, æмæ базыдта, исчи сæм исты æххуыс æрбахаста, æви нæ. Куыд рабæрæг, афтæмæй дзы ницавæр æххуысыл цыди ныхас.
Мæнг волонтерты архайдмæ йæ цæст æрдардта сывæллоны бартæ хъахъхъæнæгмæ. Кокайты Артур куыд загъта, афтæмæй республикæйы сидзæр сывæллæттæ æххуысхъуаг не сты.
Ацы историйы тыххæй, адæм æцæгæдæр хæрзауæдæн хъуыддæгтыл нал æууæнддзысты, зæгъы хæрзаудæн фонд «Быть Добру»-йы президент. Уымæ гæсгæ, адæм хъуамæ уой къæрцхъусдæр.
Ныртæккæ барадхъахъхъæнæг оргæнтæ иртасын, фыдракæ1нды бæрвырддзинæдтæ. Горæты цæрджытæй курынц, цæмæй, дызæрдыггаг цауты тыххæй хъусын кæной пъæлицæмæ.
