Астæуккаг Азийæ 29-аздзыд рацæуæг нæлгоймаг регистрацигонд уыд Мæскуыйы облæсты
Барадхъахъхъæнæн оргæнты кусджытæ æрцахстой, героин чи уæй кодта, ахæм адæймаджы. Астæуккаг Азийæ 29-аздзыд рацæуæг нæлгоймаг регистрацигонд уыд Мæскуыйы облæсты. Фыдгæнæг-иу æрвыстæг райста Черменыхъæумæ фæндагыл рейсытылы цæуæг автобусты æрлæууæн бынаты. Наркотиктæ æвæрд уыдысты æфсæйнаг асины. Бæлвырддæр та йæ быны уыд тыхтон, урс порошокимæ. Машинæмæ бæстон æркасты фæстæ оперативон кусджытæ ссардтой ноджыдæр 5 тыхтоны наркотиктимæ. Специалисттæ куыд зæгъынц, афтæмæй героины бæрц у мин дозæйæ фылдæры фаг. Сбæлвырд ма кодтой иу хъуыддаг. Фыдгæнæг Дзæуджыхъæумæ ссыд сæрмагондæй наркотиктæ уæй кæнынмæ, фæлæ æлхæнджытимæ лæгæй-лæгмæ не мбæлыди. Ныртæккæ нæлгоймаджы æрцахстой. Байгом кодтой уголовон хъуыддаг наркотиктæ парахат кæныны статьямæ гæсгæ. Ныртæккæ бæрæггонд цæуынц, ацы хъуыддагмæ ма бар чи дары, уыдон се ппæт дæр.
