Се хсæн: Алайнаг гимназ, Цæгат Ирыстоны паддзахадон педагогон институт, Мызуры скъола æмæ Джызæлы рæвдауæндон. Уым сывæллæттимæ æнтыстджынæй кусынц полилингвалон ахуырады программæмæ гæсгæ
Башкортостанæй делегаци дыууæ боны кусæг балцы уыди Цæгат Ирыстоны. Сæ нысан уыд – нæ республикæйы æмкусджыты фæлтæрддзинад фенын национ ахуырады къабазы, æмæ сæ сæхи куыстимæ базонгæ кæнын. Делегацийы сæргъы уыд Башкортостаны ахуырады министрады национ хайады сæргълæууæг Розалия Сафиуллина. Дыууæ бонмæ базонгæ сты цалдæр ахуыргæнæндоны архайдимæ. Се хсæн: Алайнаг гимназ, Цæгат Ирыстоны паддзахадон педагогон институт, Мызуры скъола æмæ Джызæлы рæвдауæндон. Уым сывæллæттимæ æнтыстджынæй кусынц полилингвалон ахуырады программæмæ гæсгæ. Уæлдай дисы сæ бафтыдта, Джызæлы 8-æм рæвдауæндоны хъомылгæнджытæ Дзебысаты Альбинæ æмæ Нæкуысаты Маринæ цы гом ахуыртæ бацæттæ кодтой, уыдон. Бакастысты сæм Цæгат Ирыстоны ахуырады министрады специалисттæ æмæ Горæтгæрон районы ахуырады Управленийы минæвæрттæ дæр. Национ æвзагмæ ахæм æргом здæхт кæй цæуы, уый се ппæтæн дæр у дæнцæгæн хæссинаг, загътой уазджытæ. Системйы рæзтмæ стыр æвæрæн бахаста профессор Хъамболты Тамерлан. Ныр та Башкортостанæй бæрнон кусджытæ цæгатирыстойнаг специалистты хонынц Уфайы ахуырады æппæтадæмон центрмæ. Уым 9-æм октябры æвдыст æрцæудзысты хуыздæр ахуырадон практикæтæ.
