филиал вгтрк государственная телерадиовещательная компания “Алания”

Фæсивæды Галуаны арæзт æрцыд кадджын æмбырд. Базарадон-экономикон колледжы рауагъдонтæн радтой дипломтæ. Ацы аз ахуыргæнæндон каст фесты 285 специалисты. Се ппæтмæ дæр ныридæгæн ис фæлтæрддзинад. Студенттæ, ныййарджытæ, педагогтæ, уæлдæр ахуыргæнæндæтты минæвæрттæ, æхсæнадон организациты уæнгтæ æмæ куыстуæтты разамонджытæ æрæмбырд сты рауагъдонтæн раарфæ кæнынмæ. Ахуыры азты дæргъы студенттæ канд профилон наукæтимæ нæ базонгæ сты, фæлæ ма архайдтой алыхуызон бирæвæрсыг мадзæлтты. Райдай профессионалон конкурстæй æмæ патриотон акцитæй фæуы. Уæвгæ та алывæрсыг рæзт æмæ ахуырад базарадон-экономикон колледжы нымайынц æппæтæй ахсджиагдæр хъуыддагыл рæзгæ фæлтæры хъомылады.