филиал вгтрк государственная телерадиовещательная компания “Алания”

Ууыл ныхас кодтой базарадон-промышленнон палатæйы æвзарæн-хатдзæгтæгæнæн æмбырды. Тугъанаты Хъазыбеджы хъуыдымæ гæсгæ республикæйы амалхъомдзинад куы рæза, уæд иннæ регионты амалхъом адæм дæр фылдæр æргом здахдзысты республикæмæ, фылдæр инвестицитæ ссарæн уыдзæн. Уый та хуыздырырдæм фæзындзæн Цæгат Ирыстоны социалон-экономикон рæзтыл. Æмбырдмæ ссыдысты Кæсæг-Балхъары, Цæцæны, Мæхъæлы, Дагестаны æмæ Стъараполы крайы базарадон-промышленнон палатæты минæвæрттæ. «Æгасцуай» сын загъта Цæгат Ирыстоны хицауады сæрдары хæдивæг Хадыхъаты Азæмæт. Æмбырды ма хатдзæгтæ скодтой палатæйы 5 азы куыстæн æмæ снысан кодтой 2019-æм азмæ куысты пълан. Тугъанаты Хъазыбег куыд загъта, афтæмæй республикæйы куыстуæтты нæ фаг кæны специалисттæ. Чи æрбацæуы, уыдонмæ та фылдæр хатт фаг зонындзинæдтæ нæ вæййы. Афтæмæй та республикæйы ис æппæт фадæттæ ног куыстуæттæ байгом кæнынæн. Ис ма иу зындзинад. Сæ байгом кæнын арæх зын вæййы, бæлвырд закъон сын кæй нæй, уый тыххæй. Хатдзæгтæ кæнгæйæ, ма æмбырды фехъусын кодтой – Кавказы республикæты хсæн æппæтæй фылдæр хъалонтæ æмбырд кæнынц Цæгат Ирыстоны. Уымæй уæлдай ма конференцийы палатæмæ равзæрстой 12 ног уæнджы.