Беслæны фыццæгæм скъолайы сарæзтой номарæн акци æмæ дзы æрымысыдысты, америкаг горæт Ньютауны æвирхъау цауты амæттаг чи бацис, уыдоны.
Мыдадзын цырæгътæй скъолайы спортивон залы фыст æрцыди горæты ном
Беслæны фыццæгæм скъолайы сарæзтой номарæн акци æмæ дзы æрымысыдысты, америкаг
горæт Ньютауны æвирхъау цауты амæттаг чи бацис, уыдоны.
Мыдадзын цырæгътæй скъолайы спортивон
залы фыст æрцыди горæты ном, стæй дзы цал адæймаджы фæмард и, уыдоны
нымæц – 26. Акцийы архайдтой, кæйдæр хъыг æмæ рис йæ зæрдæмæ чи айста,
уыцы адæм – «Беслæны мадæлты комитеты» уæнгтæ, стæй Рахизфарсы районы
цæрджытæ. Тæфæрфæс ракодтой, скъолайы цы сывæллæттæ æмæ ахуыргæнджытæ
фæмард сты, уыдоны хæстæджытæ æмæ хиуæттæн. Уый фæстæ скъолайы спортивон
залы бакастысты, Ньютауны æвирхъау бæллæхы амæттæгты ныййарджытæм цы
фыстæг арвыстой, уый.
Гæдиаты Аннетæ, «Беслæны мадæлты
комитет» – ы уæнг: «Ацы акцийæ нæ фæнды равдисын адæмæн, махæй дард чи
у, семæ кæй хъыг кæнæм, æмбарæм сæ, æмæ махæн дæр нæ зæрдæ рыст у,
уыдонæн куыд риссы, афтæ. Æмæ йæ цæмæй æмбарой, иунæг кæй не сты, уый,
ис ахæм адæм, æмæ чи бавзæрста ахæм зын хъуыддаг æмæ куыддæр уæддæр
цæрæм, ис нæм фæндтæ, æмæ ныртæккæ цы сывæллæттæ цæрынц, уыдонæн сæ цард
хуыздæр уа, æмæ амондджын уой».
