Цæгат Ирыстоны мидхъуыддæгты министрадæй куыд фехъусын кодтой, афтæмæй Беслæны æбæрæг химион буаргъæдæй фæхъæстæ уæвгæйæ амард иу нæлгоймаг. Фараст адæймаджы та
Цæххы бæсты сæ хæринаджы натрийы нитрит кæй ныккодтой, уый аххосæй Беслæны 9 цæрæджы ныртæккæ сты районы рынчындоны. Иу та фæмард.
Мидхъуыддæгты министрадæй куыд фехъусын кодтой, афтæмæй Беслæны 39-аздзыд цæрæг сæхимæ фæхуыдта йæ сыхæгты, кæсаг бахæрæм, зæгъгæ. Нæлгоймæгтæ йæ куы цæттæ кодтой, уæд дзы цæххы бæсты æнæрхъудыйæ ныккодтой натрийы нитрит. Специалисттæ куыд зæгъынц, афтæмæй натрийы нитрит у зианхæссæг буаргъæд, фæлæ чысыл куы уа, уæд цардæн тæссаг нæу. Ацы химион буаргъæдæй пайда кæнынц, цæмæй дзидза æмæ кæсаг фылдæр рæстæг фæллæууой æмæ сæ хуыз ма аивой. Фæлæ тæвд хæринаджы у уæлдай тæссаг.
Химион буаргъæдæй чи фæхъæстæ, уыдонæй ныртæккæ 6-æй сты районы рынчындоны реанимацийы, 3-йæ та палатæты, Дохтыртæ куыд зæгъынц, афтæмæй се ‘нæниздзинадæн тæссаг нал у. Цæуы сыл 20 азæй 40 азы онг. Специалисттæ аразынц бæрæггæнæн мадзæлттæ.
