Беслæны ацыдысты мини-футболæй ерыстæ. Сæ тыхтæ дзы æвзæрстой горæты скъолаты командæтæ. Хъæзтыты хатдзæгтæм гæсгæ сбæрæг сты турниры уæлахиздзаутæ. Фыццаг бынат
Беслæны ацыдысты мини-футболæй ерыстæ.
Сæ тыхтæ дзы æвзæрстой горæты скъолаты командæтæ. Хъæзтыты хатдзæгтæм
гæсгæ сбæрæг сты турниры уæлахиздзаутæ. Фыццаг бынат бацахста Беслæны
Коминтерны уынджы скъолайы командæ, дыккæгтæ систы 5-æм скъолайы
футболисттæ, æртыккаг бынаты та сты 4-æм скъолайы ахуырдзаутæ. Турнир
арæзт æрцыд æхсæнадон органазаци «Æнæниз Ирыстон», фæсивæды
социализацийы центр, стæй Беслæны администрацийы хъæппæрисæй. Ахæм
ерыстæ арæзт цæуынц республикæйы æппæт районты дæр. Турнир аразджытæ
куыд зæгъынц, афтæмæй сæ ахæм мадзæлтты руаджы фæнды фæсивæды ргом
спортмæ раздахын.
Æлборты Хасан, Беслæны 4-æм скъолайы
футболон командæйы тренер: «Цы хъуыддаг кæнынц мæнæ турнираразджытæ, уый
тынг хорз у. ахæм ерыстæ арæхдæр куы уа, уæд тынг хорз уыдзæн
сывæллæттæн. Фылдæр хъаздзысты æмæ се нæниздзинад дæр хуыздæр уыдзæн».
