Ныр афæдзмæ хæстæг Беслæны маисон комбинаты кусджытæ сты æнæ мыздæй. Куыстуат сæ хæс дары 20 милуан сомæй фылдæр. Æхца хъуамæ райсой комбинаты 500 кусæджы.
Ныр афæдзмæ хæстæг Беслæны маисон комбинаты кусджытæ сты æнæ мыздæй. Куыстуат сæ хæс дары 20 милуан сомæй фылдæр. Æхца
хъуамæ райсой комбинаты 500 кусæджы. Адæмæн куыд зæгъынц, афтæмæй
комбинаты хомаг нæй, æмæ уый тыххæй нæ кусы, фæлæ æцæгæйдæр уавæры
аххосаг цы у, уый зын зæгъæн у.
Кусджыты рæстæмбис мызд уыд 5 мин сомы,
фæлæ сын уый дæр нæй. Афтæмæй та бирæтæ райстой хæстæ, кредиттæ. Сæ
проценттæ бонæй-бон фылдæр кæнынц. Уæдæ сæ уал мæйы истæмæй цæрын дæр
хъуыд.
Кæддæр заводы кодтой нартхоры зети æмæ
хус холлæгтæ. Ныр машинæтæ нал зынынц хæлуарджыты тынтæй, бæстыхæйттæ
сты афтид, куыстуат æдзæллаг уавæрмæ ‘рцыд.
Ахæм уавæры аххосаг цы у, уый кусджытæн нæ дзурынц. Адæм сæ хъаст бахастой республикæйы прокуратурæмæ.
Хъуыддагмæ каст цæуы республикæйы хицауады æмвæзадыл дæр. Агурынц инвестортæ, комбинат йæ къахыл слæууын кæныны тыххæй.
Цориты Алинæ, РЦИ-Аланийы прокуроры
æххуысгæнæг дзыллон информацион фæрæзтимæ бастдзинæдты фарстаты фæдыл:
«РЦИ-Аланийы прокурор Беслæны маисон комбинаты хицаумæ арвыста сæрмагонд
гæххæт кусджыты бартæ кæй халы, уый тыххæй. Загъд дзы уыд Будайты
Алыксандыры фырт Олег бæлвырд æмгъуыдмæ хъуыддаг куы нæ банывыл кæна,
уæд æфхæрд кæй æрцæудзæн, уый. Гæнæн ис æмæ æрцæудзæн уголовон æфхæрд,
афæдзæй 3 азы онг ист æрцæудзæн йæ квалификаци. Ныртæккæ комбинат бæрæг
кæнынц прокуратурæйы кусджытæ».
